الحزن على الزهراءعليها السلام/ابو ايمان المجراوي

[center]نار إلچ يم الحسن بگلوبنه * ما يطّفيها مسيل ادموعنه
وا ويلاه يا زهراء * ما يطّفيها مسيل ادموعنه
***************
يم حسن وحسين الچ جمرة حزن . بينه تسعر ما طفت نيرانها
عاشت اويانه وابد ما تنطفي . نوح وألام وكدر عنوانها
هاذي شيعتكم يبنت المصطفى . لو تمر ذكرى يطگ بركانها
تصرخ بصوت النحايب والدمع . من مسيله أتغيرت ألوانها
يا أماه يا زهراء * ما يطّفيها مسيل ادموعنه
**************
نار الچ وسط الگلب ما تنوصف . ترجماها الحزن بمسيل الدمع
شبّت بوسط الفؤاد ومن تشب . بينه نتذكر يزهراء الضلع
بالفواجع والكدرعشنه العمر . والحزن صار ألنه يالطيبه طبع
وبمصابچ هذا يا بنت النبي . ذوّب اگلوب الخلگ مثل الشمع
عشنه بالاه يا زهراء * ما يطّفيها مسيل ادموعنه
***************
شيعه الچ وشما نمر بذكرتچ . نغرگ ببحر الماسي والألم
صرنه نهوى النوح من هالفاجعه. وبينه يا زهراء كل حيل أنهدم
ويا مرارة يومچ بحين اليمر. تجري دمعات الخلگ عالوجنه دم
لا ابد ما هان هذا إلي جرى . يالوديعه البين صوّبنه بسهم
ما ننساه . يا زهراء * ما يطّفيها مسيل ادموعنه
***************
ضنوة المختار يا روح الرسول . نقسم بضلعچ نضل أعله العهد
نبغض اليبغضكم وما ننثني . نفدي الأرواح لجل المعتقد
نهوى آل البيت بالسر والعلن . ما يخوفنا الخصم عده وعدد
بيكم أتمسكنه نعرفكم نجاة . والسند عدنه لمن رايد سند
وهذا معناه يا زهراء * ما يطّفيها مسيل ادموعنه
***************
للأبد والله نهتف يالبتول . ويا حسين أنصيح كلنه ويا علي
رأيه شلناها وصبحنه بهل حياة . شوكه بعيون اليضد ولناصبي
خل يفجرونه النواصب ما نهاب . كلنه نهوى الموت من اجل الولي
يشهد التاريخ عنه بكل زمان . ما دحضنه الموت لاچن نعتلي
عمر عشناه يا زهراء * ما يطّفيها مسيل ادموعنه
**********************

[/center]

روووعة دئما مبدع

يسلمووووووو

شكرا اخت ميوسه ع لرد

منور مشتاق

يسلموو

منورة عيوني

بنورك ثااانكس

شكرا

يسلموووووووووووووووووووووو طرح جميللللللللللللللللللللللللل

شوكرا عيوني

ولو تدللللللللللل

شكرا