لا تصفن تره تنزف الصفنات .......تره جرح الصفنات ماعاش اللي يضمده
شوف السده رغم اتعارض الماي .......بس الماي ظل شابك السده
أمر عليك ركبه تمر علي سيف .....وتريد بلايه دم سيفك احده
كضيت مده ويه غيرك حته انساك....اكو غيرك شفت بس ماكو مثللك
ويامده التفيد وكلبي مشلوع .....ورغم مشلوع ونته تعيش عنده
احبك واجب ....وكرهك ممنوع
اشوفك موو حلوو بس عيد ارسمك
اسولف ويه اهلي بغير موضوع ....اهلي تخبلوو جي جبت اسمك
احسك مدري شنهي ابين لظلوع .....اكطعت نفسي وعلي تفرض اشمك
اتلوى من سمك حقي موجوع ....وانت ماترضالي اتلوى من سمك
وتطشرني بحقد وتصيح اشاقيك ....وفرح بلشقه ولتم وظمك
كيفك سوي كلشي لان انه غلطان ...لان انه اللي كتللك كول كيفي
ذبحتني وسيفك ابدمي غركان .....وتطالبني وتكلي جيب سيفي
ذبحتني وبدم اشكيك ممن تخاف ...ماتخاف الله خايف من نزيفي
كل حيفك اخذته مني يفلان ....وكلت ياحيف ماكملت حيفي
اعزاز ضيوف اعلى كلبي ومشو لعزاز .....ولا واحد بقه بس انته ضيفي
بعدك بلكلب رغم الخلافات ....المسافات انكطعن مابينك وبيني
ماينطيني كلبي ازعل وياك بس....ان شاء الله كلبي ينطيني
اتوقع يجي يوم ونساك ....بس اتمنى اموتن ومايجيني
اعرفك موو اللي بس انه اهواك .....لان انته الوحيد المالي عيني
اريدك انته اي شي يغطي العين ...حته ماتصد اي شي بس اللك هيه
وريدك عله بيه وكون كل مابيك انه وياك نتعاون عليه
وريدك ريح تصير وحبال ....وبهز الريح يفلتن اديه
حته اتطشر ابكل الدروب ...حته منين ماتعبر عليه
حته منين ماتعبر عليه