هلؤؤ شؤؤنكم ؟؟
طبعا اني عندي هواية مغامرات وحبيت احجيلكم عن وحدة منها مادام ماعدنه شي ومكابلين النت
ذاك اليوم الضهر اني وكاعده اتفرج تلفزيون تعبت من الكعدة(يابة شكد اسخت )
اني ودامشي وجان اعثر و وكعت على التلفزيون
المهم كمت وكفت اشوف اباوع يمنة يسرة فوك جوة شنو القضية
اشو اني مو ببيتنا و اني بغابة طلعت اني وين اني واكعه و داخل بالتلفزيون (شلون ماادري)
ودخلت على برنامج عالم الحيوان و اشوفلك اسد جوعان
واشطح اركض و اركض المهم بالنهاية ختلت ورة شجرة وذبيت رجل للاسد الاسد جقلب وانفجخ على راسه واني شلعت
وراها جان تجي اختي وكلبت القناة
وين خلته على سبيس تون وطالعلكم كارتون المحقق كونان
بس الحمد لله جنت حافظه الحلقة فكلت الكونان لا دوخني وتكعد تلغي ساعة هذا القاتل وخلصني
المهم وراها جتي صديقتي و كلبته على mbc2 وطالعلكم فلم
على حرب فيتنام والطلقات من يمنة و من يسرة والهاونات من فوك والالغام من جوة واني اقفز مثل الارنب
بس بعدين صرت عصبية ودمرتهم كلهم خليتهم يرجعون زحف
نياا نياا نياا
وراها العائلة جتي و وين كلبواا؟؟
كلبوا على ميرنا وخليل و ميرنا جانت متعاركة وية خليل
وميرنا كاعدة تتنعوص وتبجي
وبالموت صالحته من خليل وخلصت منهم
المهم ورة ميرنا وخليل العائلة حولت على
من سيربح المليون واني كاعده على سؤال المليون
و ديسألني جورج قرداحي سؤال المليون
واني جاوبت
ووجان يصيح جورج قرداحي جوابك صح ربحت المليون و وديطيني الفلوس
ومن داستلم الشيك
جان اطفر من التلفزيون هلمرة وين رحت
هلمرة رجعت للبيت
اشوف داير مدايري طلعت انطفت الكهرباء واني رجعت للبيت
بس شششون مغامرة
اتحداكم اذا تكولون جذب
ها شلؤني