احذرك وحدك لاتمر بستان
لآن تصفن عليك شكد نواعير
يوسف من جمالة ابير ذبوه
شعجب لي هسة اخوتك مالكو بير
***
حاجيت الكمر بالظهر كتلة شبيك
شمالك بالصبح ما تطلع شوية
جاوبني حبيبك للدوام ايروح
وماترهم اثنين اتلمنة صبحية
***
فتت من باب بيتك والكلب ذاب
مدري اشطاح مني من حنيني
انه بيتنا ولن دكت الباب
فتحت الباب واحد جاب عيني
***
اذا كتلك احبك خاف متكفيك
لذالك راح اكلك بيك اني هايم
ولو تواعدني واشوفك حتى لو بالطيف
ما اصحى بعد راح ابقى نايم
***
مثل لهفت سجين ايتاني الافراج
عليك انة صرت صدكني ملهوف
واذا كتلك احبك انة غلطان
لان حتى الاحبك ناقصة احروف
***
عندك نور يشبه نور الهلال
يعني انتة كمر وهلال تنقاس
اصعد فوق بيتك باجر وشوف
اذا موعكب باجر تفطر الناس
***
جانت ليل يمنة و شفنة شمسين
البشر كلهم احتاروا بالجرة وصار
وك جان احترگنة و هاي نارين
الحمد الله حبيبي خدودك صغار
***
ردت ابجي بوداعك بس كلت هيهات
ماطخ راس الك يمخيب ضنــــونــــي
سيطرت عله دمعي وكلت الله وياك
ماطاح الدمع بس طاحت عيـــــوني
***
كالو عوفة باجر ماكلت ليش
المهم يردون من باجر اعوفك
شلت عيني اعلة مود انوب ماشوف
كمت ماشوف غيرك بس اشوفك