واكف ابابك من الصبح لليل
ومن اجة اليل كلت يطلع
ما ظن موعدي وياه ينساه
وخايبة ضنوني يخليني ارجع
ثاري المحبة مو كوة صير
جوة البشر من كلبة تنبع
ودري لو صحت اطلعلي يفلان
علية ماترد حتة لو تسمع
اطبعة وفي يوافي للدوم
ولي مو في علغدر اطبع
اليحب صدك ميمل المحبوب
ولا من شوفتةيقنع ويشبع
الحب يا حبيبي مو حجي السان
من نضرة وحدة بلكلب يطبع
لوتحبني صدك ماتنساني لحضات
وتخليني الك انذل واركع
ولو تحبني صدك الدنيا هاي
يصير كلبك اكبر منهة واوسع
لا ماتحبني لا ماصدك بيك
شكد رائع بجمالك بلغدر اروع
ماريدك تعتذر منك بعد مليت
وبكل عذر منك بعد ما اقنع
اطلب الشفاعة من خالق الكون
بشر مثلك اني ولبشر ما يشفع
لامني احسن وتلعب بلحال
ولابشرف اشرف ولابنسب ارفع
لا عبالك بجمالك اني طماع
بل بلخلق اني اطمع
وهسة اعرفت ما عندك اخلاق
وشكد جنت احبك و هسة من كلبي اطلع