مجبور أحبك موت
كل كلمه تسولف عنك وعني
وكل همسه التصل منك تذوبني
يبستان الورد ومحمر الخدين
على بابك غصب رجليه جابني
أكتبلك قوافي وأجمل الأوزان
أصحه وألكه شعري بيك يكتبني
نثر ليلي نجومه بدربك متناني
يهل حسنك بدر يجمعها ويغني
يغار الفجر منك من ضوه خدودك
حتى ألجوري عنك دوم يسألني
أخاف تروح عني ويبقه عمري عليك
بس أسنين تغفه بحســـــــــــرتي أوني
وأخاف تمل عشرتي وكلبي طك بركان
يذوبني ودمعــــــــــــــــي ينكلب حني
رهني حسنك ومجبور احبك موت
ومدري ليش حسنك دوم يجبرني !
وفاي وياك شط وحاضن جروفه
وحبك طيف ما ليله يفاركني
أباريلك وأخاف عليك من روحي
يطك بيها الصبر والغيره تاخذني
وتدري من الهوى يا روحي أغار عليك
لو لاعب كـــذلتك أنكلب جـــــني
الاكاك بوريدي لو ادورك يوم
وبدرب الصبر والحيره شاتلني
تعبت هواي يالمزيون ما ترحم
جا يوم ألقيامه هواك يرحمني
تح ـياتـي