تجيني طيف يا عمري على جنحان شوقي لك . .
. . اخاف ارمش من عيوني وابعثر جية وصالك
حبيبي لا تجيني قول وين انت وانا اجي لك . .
. . ابيك تقول وين انت وعلى عيوني انا اسعالك
وربي فوق روس الشوك لخلي القلب يمشي لك . .
. . واخلي ظلالي يسبقني قبل يحضني منزالك
ثواني بس ابتهندم من عيونك وبهدي لك . .
. . في عينك ضحكت(ن) حتى تكحل عين عذالك
يقولوا الناس بغيابي تشب القلب ويضوي لك . .
. . حنيني ومن وهج شوقه يميل القلب لا مالك
قضى دمعي من عيوني ابي من عينك ابكي لك . .
. . ابنثر من ورى عيوني دموع عيون ترحالك
وحتى الشوق من صبح الدرايش قام يهدي لك . .
. . عصافير الرضى ترفرف على بيبان مدخالك
هنا ترمي صباح الخير قبل لا تروح وادعي لك . .
. . وهنا تضوى مساء الخير في عيني من هلالك
انا من الليل يقطفني شعوري لك واغني لك . .
. . انا من الصبح يليلني الحزن من لون موالك
حرام الليل ماهو ليل اذا ما كنت في ليلك . .
. . وحرام الصبح مااااهو صبح اذا ماكنت بظلالك
تروح وقلت احط عمري على كفي وانادي لك . .
. . نزعت العمر من شفت الغلا بالروح نادالك
وربك قول وش سوى الفراق بوجه منديلك . .
. . تسيل الوان طيفي فيه الامن البكى سالك
(( حبيبي لا يبكيك الفراق ولا يهد حيلك . .
. . اخاف الدمع من عينك يجفف صورتي ببالك ))
تعال احتاج اسولفلك عن الايام واشكيلك . .
. . وافض غيم الحزن وانثر حنين الشوق بقبالك
تعال وحط في قلبي هموم الفرقى واشيلك . .
. . لان القلب ماهو قلب اذا في نبضه ما شالك
قضى دمعي من عيوني ابي من عينك ابكيلك . .
. . اخاف ابكي على طيفك وابعثر جيه وصالك
قصيـــده رآئعـــه لشآعر / سآلم سيــآر ..
آتمنــــى تنــــآل أعجــــآب آلجميــــــ.ع
