اريد افتح كتاب الكلب
هاليوم
وافهمك شنهو انه وانه اعلمنك
كلبي انمله اجروح وانترس طعنات
من عيني وي كلبي هنه حبنك
جنت زاهيه ومرتاحه ابدنياي
...كبل لاالتقي بيك واعرفنك
حبيتك صدك حب طفل مجنون
تعب وهموم هذا الحصلت منك
لتضني غشيمه من عبرت جذباات
اجذب روحي والله وانه اصدكنك
اعرف شنهي نيتك واعرف شبيك
بس مو بيدي يغالي انه احبنك
اسال روحي دوم ليش؟ وشلون؟
احبك رغم ماجرى علي منك؟
قسمت ربي هاي وهذا مكتوب
اعله كصتي اتعذب واحبنك
اذا رايد تبتعد وتعوفني كول
صدك لااضوج ولا ازعلنّك
واذا رايد وصل وياي هم كول
اعوف الدنيا كلها واجي واوصلنك
ذله وتعب وجروح وتاذيت
وك ليش؟دكلي صدك راح افهمنّك
لان كتلك احبك تعبتها الروح؟
وجروح وطعنات شبعت ترى منك
قريتك ودرستك وفهمتك زين
اكلك شنهو انت لو ما اكلنك؟
كتلك من تبتعد تموت هل روح
لاتبعد هواي وصيه ارد اوصنك
سالتك اسئله مرات وهواااااي
تغلط بالاجابه وانه الاعدلنك
تعرف شنهي ودي انه هاليوم؟
بكثر ماحبيتك اكرهنك
وانسى كل جرح وكل كلمه وياك
واكلب صفحة وماضي احولنك
