أنه المديت روحي لمشيتك گاع
وسگيت ورود گاعك ماي العيون
أو تعب گلبي بمحبتك والعمر ضاع
وشلعت عيوني لجلك وآنه ممنون
العمر وياك لحظة وراحت بساع
ونحل جسمي وتبرت مني المتون
بلم سويـت روحي وگلبي الشراع
عليّ روجات غدرك هدت شلون .؟!
بعت كل شي بحياتي ومانـي ندمان
اناطر طيفك ابقة ويه اليـنطرون
عشگت كلشي بصفاتك وادري غلطان
اليحب كلشي بصفاتك هذا مجنون
آنـه شلون ذبني الوكت وياك
أمداني وصدگت حچي اليگولون
اصبرت ما بالكفايــــه وگلبي خلصـان
اشتريد اصبـــر بعــــد وانتظرك تخون
نيطتك مـاي عيني وبيه توضيت
ما كفّت عيـوني ... تريد الجفون
