باب الجامعه بدونك يضل مقفول وي دكات جدمك ينفتح سكته
العميد بجامعة حسنك كعد تلميذ يتعلم احساس وعاف جامعته
وامين المكتبه العنده الكتاب بروح كل باوع العينك حرك مكتبته
معروفه المقل تعكس صور لناس جا مقلت عيونك ليش بيهه انته
يلخارق جمالك شرد اوصف بيك كلك باختصار بلا شرح فلته
يلخارق جمالك شرد اوصف بيك بجامعتك شبيهك ما اضن موجود
عيونك طيف شمسي واشتبه بلون خضر مدري زرق مرات يمكن
سود
خدودك يا وصف يرهم عليهن كول اذا سيقانك انته تكول جنهه خدود
ضابط في مشيتك تستعدلك ناس وطلاب القسم مطوعه كلهه
جنود
من اتراوي اصبع ما تضل عقول وبكيفك تخيل من تراوي زنود
الرصيف جفوفه تصفك من تعدي عليه والشارع اعد للمشيه صاح
ردود
لكلشي حدود لازم من ابالغ بي بس رقت جمالك ما تحلهه خدود
عسبالك يجيك الدود من اتموت يشرك من حلاتك لاتخاف الدود
يشرك من حلاتك لا تخاف الدود
