نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
شهد شمام شربت شكر وشفتك
شهد شلزم شعوفن شكض شفتك
شهد شاهد شهدلش بيوم شفتك
سلب روحي وتركني لاذيه
ادك بابا اليضربك واشتمنه
واشيل تراب جدمك واشتم منه
كول امرني حبي واشمنه
حاضر لو ردت روحي هديه
اولي ومو كلتلك اولي ساعه
واحن لنار هجرك والساعه
اذا لحظات اشوفك وله ساعه
احس بيك الزمن واكف بديه
الف دنياي كلها ما تلفني
عنيد وغير شخصك ماتلفني
عمت عين المنايا ماتلفني
الف دنيه ومره تلعب عليه
ياروحي انتي حياتي وانتي عمري
واذا خرب زماني انتي عمري
تشع صيتي وكعت وضاع عمري
وروحي اليوم وصلت للمنيه
كافي من الهجر بطل ولك عود
اللك نغمه بوتر كلبي والك عود
تعال وشوف
هاي سيوف
تبقى جروح ابد متروح
وكلب ثاني الك يحسب والك عد
واحبك لو تصب تيزاب بيه
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه
وردك بلكلب فتح ونابت
ولون دنياك خانتك ونابت
وكفه زلم اوكفلك وانا بت
وفعال ارجال اشوفك مو بنيه
ياربي تعجبكم جبتها من ذوقي
(هسه محد ميعجبه اشكد عيييييب)
