Nony
عضو بده يحترف
تاريخے التسجيلے•|~ : 02/07/2011
مُشارڪاتے •|~ : 1044
تاريخے الميےلاد•|~ : 12/11/1990
العمےر•|~ : 33
 |  موضوع: دارميات عراقيه الأحد أغسطس 14, 2011 7:37 am | |
|
رش الدرب تيــزاب حافي أعتـني لـك
جا شـلي بالرجليـن الما تجي لــــك
لو ترش مو تيــزاب لو تزرع ألغــام
اللحم خلـه إيروح أوصلـــك إعظـام
كل ما يجي الليل أذكر وفــــاكم
واذكر محاشي الطيب وابجي أبرهاكم
ويا النجم سهران وايدي أعلى خــدي
الليل أوظلام الليل شو كلها ضـــدي
وحدي ابنص الليل بس حيرتي أوياي
أبجي أعلى وقت الراح واتنطر الجاي
إشما تقول الناس عندي أنته لول
سو كلشي بالدلال يالحلو مخـول
يالتون تالي الليل سمعني حسك
لولا القلت والقال لعبر وونسك
شحجي وتريد الناس من عندي أحجـي
دمعتي إبطرف العين بس أحجي أبجـي
للخوه ماقضيت شي ماقضيته
حتى الصخر ياناس وتوسديته
انت العطش والماي وانت المشوفـه
ورسمش وحق عيناش بالكاس اشوفه
أرد انشدك وارجوك صارحني ياهواي
تذكرني لوغصيت من تشرب المــاي
نارك يخايب ماي مومثل نـــاري
اومن يطري بيا الشوق يحترق جاري
هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون
بالك تقول الاه ياخويا بـــالك
كل التقوله ايصير روحي ابدالك
مبخوت أضل للشيب يافلان أذكـرك
أوينكرني نور العين من كون أنكرك
سبحانه من سـواك نص وجهك إعيــون
إزغيــر سبيــت الناس من تكبر شلون
بيدي أوقرضها الفار فجت عباتي
كل هذا ماطخيت وامشي ابرهاتي
أتمنى كون أيصير لحدي أويا لحدك
أو من يطلع الدفان أقعد وقعـــدك
بيدك ضيعت ديك الليـــالي
وبلحظه ما أجى أبعينك دلالي
شقيت ثوبي أعليك وصلته للنــص
جاوين قلبك أوياي صاير مثل جص
لاتهتم على الراح وي همك الراح
والعالي مو بالطول بالصبر ينلاح
اشمالك يبعد الروح لونك تغــير
عندي خوات أهواي طب أوتخير
يسألني البطران حالك إشلونــه
الغاضب الله إعليه هم ينشدوونـه
جاشلي بالخوان والماينفعـــــون
عود أمن اموت أيجون ويا اليشيعون
عبالي طيب زاد واعطيتك اعيون
تالي توج النار ويا اليكرهـــون
هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك
هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي
علمني عالنسيان ارد انسى ضيمـــــك
وي غيري قمره اتصير بس حصتي ضيمك
سبحان امن خلاك تقسي ابغرامك
جانك اتداوي اجروح رقت كلامك
اوقف يبعد الروح اوياك الحســـاب
سَافر أو جرحي اينوح ليهسى ماطاب
هامسى أوها مصباح باجر يشيلـون
اورجليا شالت طيب من دمع العيون
الدنيا بس وياي شـدت عـــداوه
ولا واحد إمن الناس لجروحي داوه
ارد انشد الصباغ هم يصبغ اقــلوب
اصبغ دليلي اعليك واحزن فرد نوب
حـط باللبن تيــزاب مجبـور أشربـه
بس لا أشوفك يوم تمشي وي غربـــه
يسألني البطران ليش وجهك اصفر
مايدري على المحبوب قلبي تفطر
[ندعوك للتسجيل في المنتدى أو التعريف بنفسك لمعاينة هذه الصورة] نوني[ندعوك للتسجيل في المنتدى أو التعريف بنفسك لمعاينة هذه الصورة] | |
|
فــراشــة الــحــب
فراشة MCP
تاريخے التسجيلے•|~ : 17/02/2011
مُشارڪاتے •|~ : 7092
تاريخے الميےلاد•|~ : 15/07/1993
العمےر•|~ : 30
العملے •|~ : طالبه
| | موضوع: رد: دارميات عراقيه الأحد أغسطس 14, 2011 12:18 pm | |
| | |
|
Nony
عضو بده يحترف
تاريخے التسجيلے•|~ : 02/07/2011
مُشارڪاتے •|~ : 1044
تاريخے الميےلاد•|~ : 12/11/1990
العمےر•|~ : 33
| | موضوع: رد: دارميات عراقيه الأحد أغسطس 14, 2011 3:20 pm | |
| | |
|
ابوسيف العويسي
عضو بده يطك
تاريخے التسجيلے•|~ : 16/08/2011
مُشارڪاتے •|~ : 122
تاريخے الميےلاد•|~ : 01/08/1970
العمےر•|~ : 53
| | موضوع: رد: دارميات عراقيه الثلاثاء أغسطس 16, 2011 10:34 pm | |
| | |
|
