نائل المظفر قديم بس حلو أجمل زنجيل أبوذيات.....

لانك بالتزامك مؤمن اهلك
واخاف تشيل ذنبي مومن اهلك
منو بكدي يحبك مو من اهلك
منو بكدي يحبك من عشرتك
وتمنى يصير اصبع من عشرتك
وانة شكضيت خايب من عشرتك
اعد بسنين عشرتنة وهي جروح
واحس وية النفس يطلع وهج روح
واخيرا كلت ودعني واهج روح
اروحن وين ماكدر هوة انتة
وانة الماهان مناجلك هونتة
الي بدنياي شي واحد هو انتة
وحرت بين التركتة والتبعتة
وانة الونيت والونة ون تبعتة
ماباعك حبيبك وانتة بعتة
حبيبك باع عمرة واشترك بي
وحزن كلبة على على حزنك واشترك بي
وبعد شدوس كلبي وشترك بي
جبل حبك تكلكل لن تكل بي
ويدنيا شمادفعتي لن تكلبي
واذا تنسى يكلبي لنتة كلبي
ولاريدك بعد وبصدري احملك
وحبيببي شلون ترضى بصدري حملك
واذا حملك يتعبك صدري احملك
الي وروح الارض وشكد دولهة
وتداوي الداء لو بالمخ دولهة
بس العين مايحصل دولهة
دواهة العين خلهة من تقربي
وتصب كلما تشوفك منتةقربي
ولك شيصير حبك من تقربي
ويقن انتة تحبني بصدري موشك
والف شوكة طعون بصدري موشك
انذبح كلبي وتشظة بصدري موشك
وعرف محد يدفنة وشي دفن شي
وعكب صدره المواكد شيدفن شي
كفر من رسم غيرك شي دافنشي
اظن للجنة يدخل من يرسمك
وحبيبك ينسة حسنك من يرة اسمك
بسمك حبي جمالك من يرة اسمك
وانة الليل بعيونك شفتة كحلة
وشفت شمس الاصيل وشفتك احلى
العسل من ضكتة كلك شفتك احلى
اذا لو منشفاهك بستك اشفة
اذا انتة المات يعدل بس تكشفة
شتظن حبك يضعفك بس تكشفة
وعلي تخفي اهتمامك واكتراثك
وانة المن مات كلبي وكتراثك
نسيت الحب الاول وك تراثك
صدك ينسة تراثة هسة جيلك
وتشوف سواجي عيني هالسجي لك
اناديك وماتكلي هسة اجيلك
صحتلك يا وصارت كبريائي
اذا رائيت بالشط كبريائي
حبيبي شلون تجرح كبريائي
وتذلني كبال كل ناسك وناسي
وتتركني بصحرة شاتلني وناسي
ناس تكول لاتسكت وناسي
لان كلش مذلتي لاكت الهم
وجبل حبي المقدس لاكه تلهم
كالو حيل ذلك لاكتلهم
عناية احتاج كلبي وجاي اعاني
وخفيت شكثر منك جاي اعاني
تمرمرني من ازورك جايع اني
شكثر ندمان جي بيتك عتبتة
عرفني الباب من دكتي وعتبتة
وعتابي وياك جي احبك عتبتة
كلبي شلون يمهم وك كسرتة
عزيز وذل غربتة وك اسرتة
اسرتك كبل جانت وك اسرتة
اسرتكهسة سمتني الضحية

[ندعوك للتسجيل في المنتدى أو التعريف بنفسك لمعاينة هذه الصورة]

يسلمـــــــــــــــــــوووووووو حب حب

منوره كلبي شكرا لمرورج

صح السانك
كلام راقي

ميرررررررررررررررسي

منور ابو سيف انت الراقي

يدللو فراشه منوره

» أجمل خمسين بيت قيل في الحب و الغزل .. ماهو أجمل بيت برأيكم؟
» بس ضيف الايميل وهاي هيــــه ..أبوذيات عراقية
» زنجيل من الواحد للعشره
» زنجيل من الأبوذية يا رب يعجبكم
» هــــو قديم بس يضحك