[ندعوك للتسجيل في المنتدى أو التعريف بنفسك لمعاينة هذه الصورة]جبتلك كلبي بيدي وجاي الك انطيه
ماضنيت بيك بسيفك اتذبحه
تفكس عين كلبي اتريده يبجي ادموع
واني الجنت اضن من تكرب اتفرحه
خدودك ثاري حمره من الخفايه البيك
واني اتصورت من حبك متفحه
لظمت اسنين عمري وكلبك الشاهود
وبيدك ياحسافه انكطعت السبحه
كتلك شوف كلبي وشوف جرح البيه
تغافلني وملح رشّيت اله بجرحه
ياحضي النحس متعود اني عليه
ليل الوهم حيل مجلّب بصبحه
قفلتك عل كلب خافن يمسّك ضيم
يم نهر المآسي وكلبي اتفتحه
شما اكعد وألوّن لوحه للعشاك
غفله ولون اسود تترس اللوحه
وصفحه انطيهه الك ممليه حب وشوك
بس امشي اووراي اتشكك الصفحه
لاتشعلني كتلك اني صاير غاز
ليش اكبال كلبي وتجدح الجدحه
ادريبك وفي وادريك كلش زين
ومتفضّل علي بفعالك السمحه
بس معذور ادري وهذا اقرّن بيه
لان متريد ضَمتك تنكلب فتحه
ورايدني بعد ما اسكر بطرواك
يا ما وياما كتلي من العشك اصحه
خليني الك ماريد اصير عليك
جي كلبي حنين اجروحك اتنصحه