رأفت الجبوري

مليت اضطهاد



افتهم يا حبيبي اشصار ما صار
مليت اضطهاد الفركة والشوك

بدونك مثل اليتيم ومالي احباب
المصايب هزمن عالراس راشوك

احس الدنيا كلها تريدني بثار
أوراي اشعر سعه ومليون لاحوك

يالمالك شبيه بين هالناس
يالبس من الاناقة وارق مخلوق

يالشمس منك اخذت النور
يالطعمك عسل من شفتك يبوك

مثل رسمك ابد ما شفت بيوم
والرسمك فدت فدوات الوجوه

وحلكك من تفتحة تعلم اشعار
وتعلم سحر لو جان مطبوك

وستلهم صور شعرية وابيات
ما اسوه فلس من دون عيناك

ومد للدنيا وانسة ما صار
ادري بغيرتي اذيتك هواي

شسوي للغيرة تسري بهاي العروك


واعرف لو ابقة اعتذر سنتين
هم ابقة الك يالغالي محكوم

اريد اطلب لجوء الحضنك اليوم
لا ترفض لجوئي افتحلي احضان

بالحضن اموت بحسرة مخنوك
تأشيرة دخول انطيني يهواي

وأصير اني بضلامك شمعة معلوك
اختم عالجواز أوقع عليه
حضني الغير حضنك والله ميلوك

كل اوراقي تثبت اني اهواك
يا اروع حبيب واحلى معشوك

جنسيتي وهويتي انته اثبات
طابع حبي الك بشواكي ملزوك

___________________________