يبو عيون بجمالك حايره الطلاب واني اول شخص بالكون حبيتك
تتباهة بجمالك جامعة بابل وتاخذلك تحيه اقسام كليتك
من تحجي بعيونك واني ارد بالعين هاي اول اشارة البية حبيتك
ومرات من اعوفك وانته عني اتروح اوكف بدرب بالرجعة تانيتك
صح انته حلو ومتكبر ومغرور لاتثكل عليه كافي انهجم بيتك
موذاب الكلب وصلت حد الموت واني اهلي وعمامي بموتي باليتك
يل شالك ثولني ولع بيه العوب وخبلني بالوانه وحرت من جيتك
كلهة مأنتمه ومرتاحة هل طلاب واني بلا صداقه انتظر برقيتك
ومن يوم العرفتك اعلنت حته اضراب ازعل الدنيه كله وانته راضيتك
يادكتور كلبي وياعميد الروح انته ستاد عيني بصدري كليتك
اغار من الوكف وياك ولو لحظات ومن كد مااغار اني سبيتك
يالمنور عماده وسنتر العشاق ارجف ورتبك لو مره لاكيتك
واكوم اقره شعر بين هل طلاب ريتك تفتهم ياعيني حبيتك
اجيتك ارد اصارح وكشف المستور اريد اعرف يغالي شنهو تاليتك
يبو عيون الشعر ماوصفك جذاب حلو انته وكمر بابل سميتك
احبك وهاذا طبعي وبعد ماضم شي واعلنه للناس اليوم حبيتك
تحياتي الشاعر
رأفت الجبوري
