صديجك لاتأمن بيه جربه
وحبل الصدك لاتنطي جربه
لاتربط صحيحه كبال جربه
اخاف يصير بيك الصار بيه
فك باب الكلب بيدك و enter
يل لمستك صوبه بليل winter
دست شفت ودلييت وياهenter
ومحيت سنين عشناها سويه
جشيره اجروح بيه انا ولاني
دليلي هايم بهجرك ولانـــــــي
وعكب شخصك اظل ميت ولاني
عجيبه وفركتك صعبة علية
وينك يلي جنت اناديك بسكوت
ودمع العين يجري عليك بسكوت
اني الي جنت انطيك بسكت
عندك ببسي وتضمة علية
وينك يلي جنت اناديك بسكوت
ودمع العين يجري عليك بسكوت
اني الي جنت انطيك بسكت
عندك ببسي وتضمة علية
لحد حبيب الروح لحد
وبحبي الك لتكول لاحد
من يوم الخميس اليوم الاحد
بالكذب مترمش عليا
حبيبي ماهمني ترى بعادك
ولا نزلت دمعه من عيني من بعدك
رتك تمرني يوم وعاتبك
وابوس خديك ونسهر سويه ..
العقل رغم الجنيته هم يجن بيك
وعله دروب الشماته هم يجنبك
اسهامك لاتصدلي هم يجن بيك
الدهر يومين الك يوم واليه
يالخدك شبه شمام لاحوك
وجنت قبلي على الزينات لاحوك
اذا تمشي وراك12لاحوك
حبيبي شلون ماتكلب عليه.
حسن حور وحلم راهب عصاله
وامر مااظن كلب عاشك عصاله
ضربني وياعصى موسى عصاله
ومثل شك البحر شك صار بيه
اليله خبر طبرت علي وردنا
وذاب وياه كل غصن وردنا
اجينا اليوم انزورك وردنا
كل صباح ومسيه
عليك انشد كل طارش واسئله
بذلت الروح لوصالك وسيله
مشيت الزور بزروعه وسيله
ادور احبابي الغابوا عليا
روحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه
ابتليت انه بكلب ضالم وهاجر
مثل بلوه النبي بســـــــاره وهاجر
وين انه انطي وجهي وهاجر
وانه حته البجي يبجي عليه ...
يونك ادري بيهن عالمنايه
ونايك لاتعلمة عالمنايه
انه المفطوم كبلك عالمنايه
وتكلي اليوم خاف من المنيه
مبلل ما يهمني المطر منصاب
وميت ما يهمني السهم من صاب
هدف وبساحة الميدان منصوب
وحاضر يالتريد لطعن بيه
الك كلبي يحن بس الك بالذات
لان طبعك حنين وموش بذات
تظل بالروح عايش دوم بذات
شلون انساك وانت الرروح بيه
قابل بل عكدته وياي بس تان
يمن خدك عسل واشفاك بستان
صفه شيب العلي بجفاك بستان
وانه ابريعان عمري شلون بيه
ولفي اللي احبه فاركاني
كَلب مايوم شعري فارك اني
اصيرن جيري لاجلك فارك اني
بس ارضه بمحبتي ومر علية
شفت غزلان فوك الجبل يرعن
خذن عكلي وبدن بحشاي يرعن
ليش انت جليل الذات يرعن
اتطول ابعادك عليه
الك كلبي يحن بس الك بالذات
لان طبعك وفي ومايوم بذات
تظل بالروح عايش دوم بالذات
شلون انساك وانت الروح اليه
نهاية حبنه يسمر شارفتنه
بتحايه وطيب منه شارفتنه
شبدينه وكلت عنه شارفتنه
وانه عله الراس شلتك مو بديه
العقل رغم الجنيته هم يجن بيك
وعله دروب الشماته هم يجنبك
اسهامك لاتصدلي هم يجن بيك
الدهر يومين الك يوم واليه
عفينه وياك يسمر من كذا بيت
اهل غيره احنه تدري من كذا بيت
الك بيت ابقصيده من كذا بيت
رثيتك ليش تهجيني اباذيه
شفت خلي معا شامت ويامر
اكبالي اوجر كليبي ويامر
حبيبي الجنت اباريله ويامر
تركني وفزع الشامت عليه
بربيع الخير وانتي ماهويتي
يدنيا وعن عذابي ماهويتي
يهل تنشد عليه ماهويتي
عراقي وشايل الغيره بديه
شما طال وياك الوكت خي طول
ودرب النذالة موعمر خي طول
لا هجرك اثر علية خي طول
الن اعرفت ذاتك مو خوية
زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه
حيدر الصميدعــــــــــــــي
54321
أحـبك والشعب يشهد .. وشعله
وحبـك شمس للضلمه .. وشعله
واليحـبك اسب جــــده .. وشعله
لأن مخصوص حبك بس اليــــه
أغــله مـن الذهـب صايــر ..بلاشك
واحبـــك ما أحـــب غيــرك ..بلاشك
تعـــال ادخــل بنص كلبي ..بلا شيك
واخــــذ شتريــــد حتى المو اليــــه
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه...
حرت شختار غير اني احبك
دخت ملكيت غير اني احبك
اعيبه الكال غيري اني احبك
واعيبك لو تحب انته عليه...
الوكت مايوم حن كلبه ولانه
تفاركنه والف واشي ولانه
لاانته اعرفت الحب ولانه
وضلمنه الشوك والعشره سويه...
عفينه وياك يسمر من كذا بيت
اهل غيره احنه تدري من كذا بيت
الك بيت ابقصيده من كذا بيت
رثيتك ليش تهجيني اباذيه
الروح خلافك متيها... عملها
غريبه ولاتظن يشفع... عم الها
عيوني الماتحب شوفك... عما الها
والف عين لاجل عينك هديه
طحت بهواك يمدلل... تراني
مريض ونايم بردهه... تراني
فصيلة دمي بي زائد... تراني
بس دمك ياحلو يرهم عليه
المكارم بيك اشوفنهن... واراهن
يركضن ليك ماتركض... وراهن
ازامط بيك واتباهه... واراهن
وعرفتك كريم وصادق النيه
عسل مودم ينزف اظن... وريدك
وطفل صار الكلب يبجي... ويريدك
الك مشتاق ياطيب... واريدك
كل لحظه بسنه غيابك عليه
افجر الكون من اجلك واناضل
وبشمس الصيف اصيرلك انا ضل
واذاكل البشر عافوك انا اضل
اوافيك لحد المنيه
جنت بفي سدرة نايم صحت بيك
وطحت ماصحت الله صحت بيــــك
أمس حاجة بربع صدك صحت بيك
وشو محد كلبك رديـــت اليه **
الوكت ذبني اعله دربك حاضر اني
وابد ماصير ماضي حاضر اني
بخدمتك يوم تأمر حاضر اني
وحط الروح جدامك هديه
ابحر ولفي شصيرا ماي قارب
ردت قربة و رجيتة مايقارب
شكلك زعل مني ما يقارب
دقيق و بهل دقيقة شصار بية
بك بالكلب حافر وناقش
صرت نيران تحركني واناقش
اريد اكعد معاك احجي وناقش
وكلك لشوكت تقسي عليه...
بت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية
الدهر يا الاهي بده علي مره
وعفاني وعشت هيج ايام مره
والفرح شفته بحياتي اعتقد مره
مرني لحضه وبعد ما مر عليه...
عذبني الوكت ياناس باسمر
تعده اوبلكلب بسمار بسمر
صحت اخ امشي اترجاك بس مر
لا ترجع بعد وتعم عليه