ابو ذيات عراقيه روووووووووووووووووووووووووووووعه

[ندعوك للتسجيل في المنتدى أو التعريف بنفسك لمعاينة هذه الصورة] شوف تاسع شعر شلون كاتبه

أحبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه

xxxxxxx

عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه

xxxxxx

وحك أم الكرم والطيب حديثه
أريد اكابل المحبوب وأسمع حديثه
أريد أعرف قديم أخباره وحديثه
وبلياه الزمن ناعور ودار بيه

xxxxxxx

احبابي شلون حالتكم بعدنه؟
شبدينة والوكت عنكم بعدنه؟
اذا انتو نسيتوا،احنة بعدنه
بذكركم كل صباح وكل مسيه

xxxxxxxx

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

xxxxxxxx

حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويه

xxxxxxxx

دمــع عيني علـى الخدين .. جاري
وجرالي الما اظن بالناس .. جاري
ريـت اللي احبـه يكــون .. جاري
واشوفه بكــل صباح وكــــل مسيّه

xxxxxxx

سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه

xxxxxxx

خزرة عيونك طير شاهين
عليك الروح والدلال شاهين
يالجمالك صعد فوك الهام شاهين
والك نبيلة عبيد تأخذ تحية

xxxxxxxx

نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه

xxxxxxxx

غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه

xxxxxxx

يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه

xxxxxxxx

الك ياما نبض كلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه

xxxxxxxx

عذرا لون روحي .. حاسبتكم
لانكم جزء منه .. حاسبتكم
بجاه الحسن تعطل .. حاسبتكم
شاشه وكيس والفارة سويه

xxxxxxxx

أظل أكتب شعر للطيبين وأنشد
وأسأل على الصاحب دوم وأنشد
وأصير حزام وكت الضيج وأنشد
لكل عزيز وغالي عليه

xxxxxxx

انا الصياد صادتني شبكتك
دخيل الله شكثر حلوة شبكتك
ادك عليك مشغولة شبكتك
كتلك بالجذب بس رمش عليه

xxxxxxxx

افكر بيك يا حبي ولا انام
ولا غمض جفن عيني ولا نـام
احب اكعد يمك ولا نــــام
بعيد وشوفتك حسرة عليــة

xxxxxxxx

تظل نجمه ياضي العين بسماي
ويضل اسمك صديق العمر بسماي
ما يروي العطش بجفاك بس ماي
العطش ترويه من تسأل عليه

xxxxxxxxx

هاك الكلب بيدك حيل طحنه
أمس فوك النجوم واليوم طحنه
شبدينه وبالعشك ياناس طحنه
غشمه وكلوبنا تحب الأذيه

ههههههههههههههههه
والله شي حلووو عاشت ايدك حب

روووووووووووووووووووووووووووعة

تدلو منورين شباب اهلا وسهلا

يسلمووووووووووووووووووووووووووووووو

يسلمووووووووووووووووووووووووووو وعاشت الايادي

» ابو ذيات ييجننو شوفه بسرعة
» ابو ذيات مو طبيعيه
» ابو ذيات حلووووه
» ابو ذيات حوه جدا لاتفوتكم
» ابو ذيات سيف الشمري