أحبك للنهاية
أحبك موت .....
وأضمك بالگلب ياچلمتك سهله
يبو حلو الاطباع ومبسمك فلــــــــــــه...
أنه المشتاق لعيونك .........
دنيا عيونك الحلوه بغير الكحل متكحله
وأنه بلياك....
مثل جرف الربيع امفارگ الدهله
يصوتك ياغناويك
شحلات امباوسك غفله
يطيب وأطيب من الطيب ............
يشــــــــــــدات الورد وأحله
كل ساعه التمر بيه
وأنت بعيد
أحسن بالگلب نچله
وادز رويحتي طويره .......
تحوم أعليك وبشوفتك تتســــــــــله
تذبل كل ورود الشوگ ...
وأنت أتظل
ورده أتزين ألحله
گلبي تاه بعيونك....
أدور وأنت تندله
تعال وهاك كومه أجروح .............
تخير يا هو التشــــــــــــله؟؟؟
أريد أشكي عذاباتي
الغفت بيه ولو فشله
ولو گالوها كل شكوى
لغير الله يحبيب مذله
لچن أشكي ....
يبلكي العين من تسمع
دمعها الجامد تهله
ويبلكي الروح من تسمع
تصد عن الونين وسجنها تمله
تعتنيتك شايل جروحي
وحزني للگلب كل ساع يندهله
أريدك فرحه بيه تمر
يل تسوه العمر كله
@@@@@@@@@@@@@
