ها حياتي وين صرتي

هاحياتي ...... وين صرتي
[size=21]امبركعه بثوب الحزن ما جنج انتي
انه ما شفت الدمع باطراف عينج
بس احس فد شي نزل بلل وجنتي
وكلت انتي تاكل الحسبات روحج
واحترك كلبي الوفي ونزلت دمعتي
ودعت كلبي بامل مابين ادينج
تالي لا كلبي الرجعلي ولا رجعتي
لامست بيج المحنه ودوريتج
واشتهيتج مزنه بايام القحط
بس ما مطرتي
وتيهت اثار جدمي اباب بيتج
ومن لكيتج
عثره بدروب العمى وزادت عثرتي
انه اعرفج من زمان المدرسه
وذيج الصرايف
من جنت بستان
وبكلبي انزرعتي
ذيج اثارج بعدهي اعلى السواجي
وذاك بيت بيوتنه وكتبي ولعبتي
انتظرتج
من زمن مابيه طفوله
جي على الكلشي
بقت تلهب حسرتي
وين جنتي
تاخرت جيتج علي والشيب اخذني
وانه صفنه تروح
وتردني لصفنتي
وين جنتي
شجم قطار
تعدى والمكسور خاطر
خضر بجدمه العشب
وتعدى ساكه
ومافطنتي
صح ابد مايوم شفتج
ولاسمعت اسمج باذاني
ولا الج عنوان يمي ولا عمر
بس الج طيف اليمر
بالليل وبنوم الظهر
خله كل عمري هواجس
تعتريني
وتنشر جروحي
على وجاع الجمر
وانه كاعد
من زمن ماجنتي طفله
متاني دربج وانتظر
شما تغيب الشمس
يوعدني الغروب
انتظر محبوبتك
باجر تمر

[/size]

عاشت ايدج بس الكوووبي مالتج مو مظبووط
ههههههههههههه

ميرسي

بكيفي اني عجبني هيج
هلاو حبي فراشه همري تدللين

همري منو
هههههههههههههههههه
يلة عيني اعصابج كلنة الكوبي ممظبوط بس مكلنة شي

مشكور

هلوووووووو بيك يااسر نوورت
عادي غلط بالكتابه ماكو واحد ميغلط
واوكي عمري تددللين

خوش شعر عاشت ايدج ما شاء الله عليج

روؤوؤعـ‘ــه ح‘يـٍـٍـٍـأإأتي

يسلمووو حبي كلش حلو

صح لسانج يا دلو ويا رب التألق الدائم

تسلموون ع الردود
وتسلم محمد ربي يوفقك

» حياتي معك مستحيله ...
» خاطرة** قمر حياتي**
» حياتي في رمضان
» شكرا لوجودك في حياتي
» احبك.. يا من سرق قلبي مني يا من غير لي حياتي يا من احببته من كل قلبي يا من قادني الى الخيال ...... حبيبي.. أهديتك قلبي وروحي وبين ظلوعي اسكنتك ورسمت معك احلامي و وعــــــودي ......... تواعدنا.. ان نبقى سوياً مدى الحياة ان نجعل حبنا يفوق الخيال ان نكت