عشكتك عشك ابد ماينقاس

عشكتك عشك ابد ماينقاس

سمعت الخلك ماردتة سكتاوي

ولان احسك بداخلي موجود

تجرحني واكول جرحك يداوي

عد انجوم وحبات الرمال

بعدد حبي الك كلشي مساوي

وحتى الكمر اظلم بعيني صار

لان اشوف وجهك منور وضاوي

اني اكول خدودك التفاح

واكتبلك شعر اليوم ناوي

ودري تكول اشكال التفاح

بس افضلهن ترة الاحمر اراوي

كلشي بدنيتك ميزة حلوة بي

ونتة للميز الحلوة حاوي

حلو طيب ودمك ينحب

صادق تحب للناس اتخاوي

اذا انتة منك ابد ماموجود

وصادق ابحجي لا مو لغاوي

..................................
تدري ليش احبك انتة ماتدري

لانك حمامة وعشك بصدري

ولانك شباب ولحال شيب

احسن شبابك ياكل بعمري

غطيت رسمك حتة ما ينشاف

ويدرون احبك وينفضح امري

اخاف من الحسد حسادي هواي

بكلبك ينكتل حبك العذري

مابية اصبر لو عني اتروح

ابشوكي الك ذبيت صبري

اوصفك ذهب الذهب ينباع

ماريد ابخسك اني بسعري

اوصفك كمر ماكدر شلون

تزعل الشمس بية لو تدري

مثل قوس قزح الوانك احلا الوان

ابيض اسمر خدك وخمري

عذرني اذا ما نصفت وياك

طيب ودري تقبلي عذري

جيت استئذن عيونك الحلوات

تقبل وصفه بكلمات شعري

لو شعرك النهر لوياك ممدود

فايض على الجتف وبلخصر يجري

من توكف اكبالي اكول يا ستار

يا ملائكة السماء اليلة حضري

ما تحمل اموت اني بلحال

مو طوعا اموت موتتي جبري
تحيااااااااااااااااااتي

مشكوررررررررر

روعهه

مشكور حب

يسلموووووووووووووووو

تدللوووون عيوني انتو منوووووووووووووووووووووووووووورين

جمييييييييييييييييييييييييييييل دلو

ثانكيو حيدر
نووورت

عاشت ايدج

ايـــــــــــــــــــــــــدج العايشه قلبي نورتي مومو

ميررررررررررررررررررررسي