هي..........هو
ـــــــــــــــــــــــــــــــــــــــــ
هــــــــو
مليت آنه كل مره انتظر
ولا بيها بعد آنه ادورلج عذر
مو خلصن سنيني ولا ظلي عمر
جبته بالاهات ودموع وقهر
وخلصته وياج كل الصبر
فهميني...فهميني
هــــــــــــــــي
وآنه الدوم اكلك هو هاذ الوضع
واشرحلك الفكره وماجاي تقتنع
مابدلتك آنه وك انت الضلع
وك انت روحي وانت تمحي الوجع
واناديك بتعال وانت ماتسمع
مو كل الصوج مني ارحمني وارجع
انت افهمني
هـــــــــــو
صدكيني احسن حل هو نفترك
احسن ما ايامنه تروح وتحترك
صح مااكدر بدونج وج اي صدك
والهوة من دونج وربج يخنك خنك
ولا يحلالي بعدج كل عشك
والدمع من بعدج يجويني وحرك
فهمتي؟؟؟
هـــــي
ما اسمع آنه الحجي انته افتهم
راضيتك بكل الطرق حت بالحلم
لتعاند اوياي تحسسني بظلم
انته حبيبي ومني لا تنتقم
صح آنه اغلطت وكلي ندم
وماريد امس الكاع بعدك يا نجم
ها مو كافي؟؟؟
هــــــو
شالكافي وآنه منج غركني الجرح
وانتي بيدج زيدتي بيه الملح
وفوكاها جايه تشكين مني الذبح؟
ياهو الذبح الاخر وصار يركص ردح
مو انتي بعتيني برخص من حسيتي الربح
مو آنه النصحتج بس مافاد النصح؟؟؟
لا مو هيج(هي)
لعد شلون(هي)
آنه كتلك انته بعيوني الرمش
واسمك وسط كلبي هاذ انقش
ومن اشوفك جسمي كله يرتعش
ومن المسك عمري ينتعش
كافي لا تحجين(هو)
احساسج جذب يبنت الناس
وشموعج بدربي طفن
وما ظلي بيج احساس
ولا ظليتي ليا وطن
واختلف بيج كل مقياس
واعرفت باختيارج اذواقي عمن
مو آنه البرجل انداس
وعلي اليحب ابد ما يحن
هاي انتي يبعد الناس
هــــــــي
لا مو انه يا خلي
انت السافرت ضليت وحدي شاريك
شنهي الذنب كلي يهواي
جي آنه احبك واذوبن بيك
من اول عمري لصباي
جنت حاير آنه وين اخليك
بين الرمش لو وسط عيناي
هـــــــــــــو
كافي جذب لا تجذبين
شمتي بيه الناس
وما ظلي راي
خنتيني برخص
من جنتي وياي
وحلفتي بجذب
وبيدج حركتي احشاي
سمعيها مني ولا تعدين(هو)
وافتهمي ومني لا تكربين:
اكول آنه اربحت من شفتج تخونين
وكلبج منكسر من انتي بعتي
شلت حبج علم عالراس
وبكل سهوله رحتي انتي خنتي
سافرت لاجلج ومن المر اشكثر عانيت
رحتي لغيري عاشرتي ولدربي فاركتي
وج ميفيد الدمع سكتي ولا بعد تبجين
انتي الموتي حبنه وانتي التركتي
ولتدخلين بعذر وادموع
ماتفيدج يل غدرتي
لشوكت اظلن انا الطيوب
وبلغطاتج امسح يل ماصبرتي
وجايه بكل سهوله وعلي تتبلين
وبعلو صوتج تسالين السبب يل عفتني؟؟
وبكل برود بجيتي لي تهنين
وحبيبي ببعدك كلش عذبتني
انتظرتك آنه اعلى نار اسنين
وهسه اجيت انت مو موتتني
هــــــــــو
وج كافي جذب سكتي لاتكملين
هاي انتي ابد مامعقوله
شلون اتريدين اكمل اوياج
ومشواري امشي وبسهوله
شجابج عليه وطلعتي امنين
ولعبتي لعب بيه ولعبج شطوله
مو رادو اكرهج ومنهم المليت
وكلبي بيتج وماكدرو يصعدوله
تاليهه بعتي برخص بيه متحسين
ماعندج رحم لو اخلاقج المشلوله
ادري بالذهب يرخص اذا ينباع
راح ابيعج واكولن شخص خالي مفعوله
لان آنه الكظيت العمر وياج
لغيري روحي وصيري مذهوله
لان بيج الاثر مني وماتنكرين
من يشوفهن يسالج شني ذوله
رديله الجواب ولا تسكتين
كليله حبيبي اسبقك وبيه لعب جوله
كليله حبيبي اسبقك وبيه لعب جوله
تحياتيــــــــــــــــ
اتمنى تعجبكم دلــــــــــــــو
