-أمتحنتك ردت أجربّنك صح تحل
تشد جرحي واذا شفته صحة تحل
بعدني ما طحت يمك صحت حل
لو طايح صدك شتسوي بية
صار سنين ما تفهم وانة اشرح
ليش جروحي يلتحمن وانة اشرح
راح تروح من عندي وانة شراح
راح اصفك اظل بثنين ادية
جذب جفي بعدكم يومي لاحد
وهواكم وين حدّه يوم اله حد
انة لو مااجيكم يوم الاحد
الثنين من الصبح لطموا علية
معك خانتي روحي واكشفتهة
تزاعلنة ومشتلك وك شفتهة
وتسب بيك وتعض وك شفتهة
وتأشرلك علي يعني علية
جمع ربك غزالة وي نمر بيك
و أدوّر وينة شهدك وينة مر بيك
و مر بية تكلي وين امر بيك
امر شلون بيك وانت بية
بكتني كبال عيني وشبكتني
عمر لجلك فنيته واشبكة اتني
تدري لو بستني وشبكتني
تردني بشبكتك للجاهلية
جنت اغزل رموشي وانسج اسمك
وجنت نصي واشبكك ونسة جسمك
تنسى شلون جسمي وانسى جسمك
وهن جسمين بيهــن جاذبية
علّي جار الوكت تنشد بلى جار
بعت بيتي وسكنت البر بالايجار
بلا صاحب بلا زاير بلا جار
خيال الكوخ صاير جار الية
انة القاص سالفتك و راويك
علّي ضميت ليمونك و راويك
يدولر الوكت يا خلي و اراويك
و اذكرك من تجي وتبوس ادية
قص شما يخطر أبالك وانا اقص
وشد حبال عشرتنّة وانا اقص
ما اصاحب نذل مثلك وناقص
واذا اسلم عليك أغسل أديّة
عيونك تصيب الگلب بسهام
يلي ابد ماشفت بهواك بسهام
انا طير المهاجربالفضاء بسهام
اشوفك وانه اتايه بالبريه
همت وانسلب عكلي وزادمرضاي
على المر ماشفت شخصةمر ضاي
لون بات الترف بحشاي مرضاي
اكله اكرب يهل مبعدعليه
سماح اطلب انا المنكم وهدنه
كمش بيد التعورنه وهدنه
جبل راكع خجل جيتك وهدنه
اصير اتراب ونته اسحك عليه
وحگ اعيونك ورسمك وداعك
وحگ جلماتك الحلوه وداعك
يصاحب فرهد ابروحي وداعك
انتلف ثلثين والباقي باذيه
تلوج الروح ياأحبابي وراكم
وعجاج الضعن سد عيني وراكم
يدمرني الحلم بيكم وراكم
ويريت الحلم واليقضه سويه
وسط گلبي يظل طابع وسمهه
عسل صافي حلومرهاوسمهه
صفيت متيه باسمي وسمهه
لان هيه النجم وانيالثريه
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
ونيني لا سنه يبطل ولا عام
ولا سيد برى العلتي ولا عم
ولا عندي اخو بدنيا ولا عم
اون بسكوت والعله خفيه
حجي العذال عذبني وذاني
وباب الكلب سديته وذاني
احبك يا بعد روحي واذا اني
هجرتك كول بالحب مو وفيه
زرعت الورد ماخضر ورد لي
بس التعب من عنده وردلي
حبيبي ارجع خلص عمري ورد لي
خل انعيش ايام الهنيه
يبعدني الوكت عنك وردلك
واحب يوصلني مرسالك وردلك
باقة الروح اقدمهاوردلك
واقدم عمري للغالي هديه
فرمن صدري دلالي وردلك
وبيدك روحي سويه وردلك
اريد الشنه انه النفسي وردلك
عش ابخيرانته اوهي هيه
وحك حيدر علينه وذريته
ودليلي بسيف هجرك وذريته
جمعت ارماد حبنه وذريته
بدربك يالكطعت الوصل بيه
حبيب الروح صداني وردني
ومسحت الدمع بجفوفي وردني
اذا مرسال من عنده وردني
مثل ميت ترد الروح بيه
راح الجان باحضانه يلمني
وخلالي جرح ينزف يلمني
علام المادرى بظيمي يلمني
والمجرب يون ويدك عليه
اكتبلي شما ردت تكتب وردلك
بساتين بوسط رؤحي ورد لك
اغيب وابتعد وازعل وارد لك
لان القلب بيدك مـــــــــوبديه
أتـِـلّ روحي اعله شوفتكم وتالي
بهضني وكـَلــت ها عونج وتالي
مـن شفت الخبر منكم واتى لي
انتجيت وكـَلت اردّ الكم هديه
يهالجيتت ما فــكرت بــتــلاك
انكطع بت الدليل وبقه بت لاك
تدري الموت جرني بساع بتلاك
لان عكبك صعوبه العيشه اليه
عَـلـَي دنياي ذبـت حِـمل مرهه
وروحي عليك تنشد دوم مرهه
غالي انته وابد ما يوم مرهه
لأن محسوب كل ذرّه عليه
على ضيم الهوى ياروح علمي
وبيها ارفعت اني اليوم علمي
سالتها المستوى وتكول علمي
بخامس باء يالتسال عليه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
ذا غيرك يمس اطراف ادية
الك ياصاح ماظل مني خاطر
احسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
لاتضن نار كلبي عليك تبرد
وبعد كل الحجيته وياك تبرد
اشوكت مااجيك بسجين تبرد
دهاك اذبحني هوة اشضال بيه
اخذ كل شي الوكت ياحيف مني
ويدنيا ابكيفج انتي اشلون مني
عرفت الصوج كل الصوج مني
لان ماحسبت تفتر عليه
مامش صوج من عندك وخله
اتركه المايود شخصك وخله
كلمن صاحبه بصفه وخله
وانا بصفي شماته اتحيط بيه
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا بسنه
تزعل ليش يمدلل عليــــه؟
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
عليك الليل كله انه ونه
ومعاك العتب هسه ان اوانه
اتهدد بالنفاها انه وانه
وينك مو طبك دهر العليه
غرامك اثر بالعشك وداره
هجرت الي تعب وياك وداره
سمعت بقيس عاف اهله وداره
حملت الضيم وهمومك سويه
منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
حبيبي شرد اسولفلك ولكدر
والهموم مبن ماعاين ولكدر
الي جان وكتي ولكدر
وصرت انته والوكت عليه
نوبه حلوات الليالي نوبه مرات
وحبيبة الروح علي ما مرات
مو مره الخنتي يحبيبه مرات
تخونين وتصح بيه الاذيه
ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية
العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية
صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه
احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه
جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه
يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
زماني شما لعب بيه ولهتم
والراده علي يسري ولهتم
بروحي شماتغيرتوا ولهتم
لان حبكم دوه لكل مرض بيه
كلبي من الحزن ورث وعطاب
وعيني اعله الطالع وعطاب
حنيت لزادك وملحك وعطاب
لان بس ملحك الغزر بيه
جيتك وبظلام الليل عناي
وعزفت بروحي مية جرح عناي
بعد ما ظنك تنشد عناي
بعد هجرك يروح الروح اليه
مره اشوفكم مشمش مرتين
وكلبي مو مره حب مرتين
العنده مره هلكانوانه مرتين
وحده ترفع والثانيه تكبس بيه
بنات الوكت يا ناس مرضني
يرضي بيهن الكلب مايرضيني
مره يقيني يصيب وياهن مرضني
ضني بكيدهن ميه بالميه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه
الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه
اخذ درسك تعلم من نبينة
وشارت سادة صارت منة بينة
تهنة بوصفة احنة من نبينة
لان شمس وكمر طبكن سوية
أبد بغداد ما سقطت هوانة"
ودمنة السحب نازفتة هوانة"
آنة مو آنة العراقي هوآنة"
الشلت مگوار والفالة عشية
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية
سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه
اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية
أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية
قهر حبك حبيبي عسل ويجوز
بحبك مايتوب القلب ويجوز
تريد انساك بس بلموت ويجوز
تلمنه الجنه ونعاود سويه
الكمر دنك يبوس ايدك والك مال
ودليلي زاعل الدنيه والك مال
امتحنته لاطلع راسب ولاكمال
طلع شاطر واخذ بلوفه ميه
افكر فيك ياصاحبي ولانام
ولاغمض جفن عيني ولانام
احب اكعد كدامك ولانام
بعيد وشوفتك حسره عليه
نحيل الجسم من بعدك تراني
اريدك دوم بعيونك تراني
افكر بيك كل ساعه تراني
احبك حيل يل ماوفيت اليه
وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه
صحيح بعيد بس قلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفراكك ماضل شعر بيه
احبك حب ماينكتب وصفه
عليك القلب مثل الذهب واصفه
عليمنيكتب الدكتور وصفه
اذا عيونك والشفايف صيدليه
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه
ابيك انه وابد ماكول مابيك
يلكلك حنان وشين مابيك
غبت عني وكلي شبيك مابيك
انته العزيز التبقى اليه
يظل طيفك حلم يسكن فراشي
وتظل أنت الورد تجذب فراشي
وأريد بروضتك أصبح فراش اي
وشوفك حتى كل صبح تمر بيه
الليالي اشهود اذا ناسي وعيدك
بلكي اتعود للماضي وعيدك
شعلت اشموع ميلادك وعيدك
وفرحت رغم الجروح الي بيه
حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيديه
اريد اسال كلبي شخذ وشراد
ليش بغفله عني ابتعدوشراد
لونك تدري كلبي شطلب وشراد
يريد يصير الك وانت اليه
الوكت مايوم منه حيراني
السهرني بس جمالك حيراني
اموت ويمر شخصك حي يراني
بنظر عينك ترد الروح الية
همس طاريك لافكاري جفلهه
حمامه وبالعشك طيرك جفلهه
الفرح مايرهم لروحي جفلهه
شفت بس الحزن يرهم عليه
وحك من صاحت بطفها مانخيته
عنيد الراس عندي مانخيته
راد انخاه الشامت مانخيته
مثل راس الرمح مابيه حنيه
لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
وحده .الوكت حضر سجاجنه .وحده
اومثل طيره ابقفص روحي .وحاده
شتريد اتسوي هل ضلت .وحده
ضلة بس تشاكفهن خطيه
ادور رفوف كلبي عليك رف رف
لكيتك نبض بالدلال رفرف
يا بيرغ عراضة زماط رفرف
تروج الكاع حدرك يا شفية
اتراكم بل دليل اهموم بعداك
وجزه يعكوب حزني عليك بعداك
شعدنهن ليالي الجزن بعداك
شريد احسب يزيد الالم بيه
بعددين دمرلي وحسب الجيه بعددين
يل ملكاك اعدنه بعددين
ياعيد اليمر وانتم بعددين
يعيدي جن محرم مرعليه
زماني جرد سيوفه وسنهه
عليه او حرمت عيني وسنهه
وحق الي فرض خمسه وسنهه
بعد هيهات عيشه تصير اليه
جمالك رضرض عظامي وكهرب
لأن كلك خرز ليلو وكهرب
انصحك لاتظل يمي وكهرب
اخاف اطيح كلك بين اديه
قطرة حيا انة والتكصة
يعرفنة النشد عنة والتكصة
ولك احنة بجسم واحد والتكصة
جفك لا تضن كصيت ادية
حلو مكتوب من عندك وفاني
وظل وياك ياغالي وفي اني
ادري بالعمر كاضي وفاني
بس حبكم عمر ويطول بية
تضل تاج على راسي مالي غيره
وترة الينكر العشرة مالة غيره
لون تطلب كليبي مالي غيره
انطيك الكلب وعيوني هدية
هدمني حيل حبك وارد احلي
والحل فقط عندك وارد حلي
احط شفتي عله شفتك وارد احلي
لحد ما يصعد السكر عليه
علي تمطر مصايب من سحبكم
منو مني اخذكم من سحبـــكم
لو عذبني حبكم منسى حبكم
لان ماكو اعز منكم علية
روحي فراك خلاني عسلهه
سموم وحنضل بريجي عسلهه
الناس البعدتك عني عسلهه
قلق دايم ولا ترتاح هية
وصل مكتوب من عدكم وردبيه!
حرت شكتب جواب الكم شرد بيه!
الوفه والطيب من عدكم ورد بيه!
انتو اهل الوفه واهل الحمية
روحي كل وكت تسمع دولهه
ومن وني الارض ضاجت دولهه
عمت عيني وبعد ماكو دولهه
عمة وفوك العمة علة خفية
يروحي بطلي المعاشر وعودي
سباني ونحل اعظامي وعودي
اني الما خنت مرة وعودي
عجب ليش الحبيب يخون بيه
ربك لليريده باب هدله
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان اليه
صديقي الماخذ بشورة وراية
اثاري يطعن بضهري وراية
علك لافتة بضيجي وراية
واشوفة بلا خجل يضحك علية
سلطانك وصل للظيم خايب وصه بيه
انه بطيبي الصبي شاهــد والصبيه
عابر سبيل احسبني ربــك وصه بيه
وفك حبال ظيمك من اديه
صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية
هله يالوالفاك الگلب ولفيت
نشف ريجي وعليه اگبلت ولفيت
أريد اخطف عله الشمات ولفت
نضرهم من تحط أيدك بديه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه
دحوك بثوب حسنك وانسجنه
بجهنم حبك أرضه وانسه جنه
انحبسنه بقفص عينك وانسجنه
وتحط رمشك كلبجات بإديه
الحلو ردناه يجينه بس ميانه
أبد ماردنا كوة بس ميانه
أريدن طابو كلبك باسمي آنه
عقار أسحب عليه وابنيه اليه
أراوي جروح كلبي وانته راوي
ورواية شوك روحي وانته راوي
عثك الناس حشف وانته راوي
بريمك طاح من خدك بديه
وحكك عكب عينك مارهمنا
وابد مفتاح غيرك مارهمنا
ولون أيوب يوما مره همنا
جر اذنه لصبرنا عله البلية
سمار خدود وجهك حله لوني
حليت وعلى الجايع حللوني
تدري شلكو لمن حللوني
الك صورة علة كل شريان بيه
أصد لدار ولفي ياهلي ظلماي
بجيت ومابعد بالعين ظل ماي
أنه عملت وي النفس ظلمي
واحرمتها شما تود وتريد هيه
دليلي بليل هج مني شردلاك
والك مديون كل عمري شردلاك
حرت شكتب شوديلك شردلاك
عجز شعري او وكف كل بيت بيه
انة بشوغي انكضة حري وبردي
ويدنيا حدي بسيوفج وبردي
كصب ينحب على حالي وبردي
وانه هرش الحزن مشتول بيه
مو ماسخ بطبعي مالح اني
وحتة من ارد اعاتب مالح اني
تسألني علة ظهري مالة حاني
حناني الظيم وفركاه علية
اخذني الروج وانة الجنت سدة
ودين اللي اطلبة ولا اسدة
صديقي ومن نخيتة الباب سدة
وانة الجنت اظن يفزع الية
هلي وياهم جنت عايش بلا هم
ونهاري شما طول مظلم بلاهم
هلي مدري الوكت شنهو بلاهم
ولاهمة اعرفوا بالصار بية
الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
كلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه
لاجل عينك اصير رماد وانذر
ولشوفك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
الدهر ما يوم فرحنه وسرنه
وعفنا ديارنه وللغرب سرنه
وحقك ما ظهر للناس سرنه
لجن دمعي فضحني وعم عليه
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
سفن جينه بظلام اليل شرعاً
يمن منك اجبال الكون شرعاً
ردت مذهب يحل البوس شرعاً
واذا ماكو ارد للجاهليه
حزن دنياي تمطر ما صحتلي
وردت بس فرصة أشوفك ما صحت لي
واكف صرت كدامك ماصحتلي
صحتلك ما درت وجهك عليه
أحبك من جنت بالمهد بجاي
وأريد أكصد هلك ياترف بجاي
وحقك لو تحطلي زهر بالجاي
جرعته ومايظل كل مرض بيه
يطارش خذ كتابي وياك وصله
للماعرف عمامه منين وأصله
وأخبرة بكلبي صار اثنعش وصله
كل وصله تطالب جيبه اليه
افرمت كلبي اريدن والغي رامة
واشيل العشك منة والغي رامة
عليك انت المخطط والغرامة
لان حسنك كسر غفلة علية
جنت يمنه ألك وتعين يسرآك
ويسرني لو سمعت بخبر يسرآك
يصير تبوح سر الرآد يسرآك
وتشمت بيه كلمن ع الوطيه
يكلبي عله التريدة الروح ودني
ومثل ما ودك أني بشوك ودني
أريد ازحف عله المحبوب وأدني
واحضنه بشوك أني بين أديه
نساني وماسأل فد يوم شالحآل
غشيم وما درا بفركاه شل حال
حرت ويآه يا هالنآس شالحل
أذا حلهه نتفارك هاي هيه
عنيت وبسن عليه الجدم يعني
ولا غيره الكلب بالناس يعني
اكله شكد تحبني يكول يعني
شنو اليعني منو يفسرهه اليه
ابد مايرحم الطايح وكتنه
جمعنه ورجع طشرنه وكتنه
اصيح على الفرح اوكفوكتنه
تركني وماسمعني ورد عليه
صرت مرهون حبك وانت راهن
وعليه ايام هجرك ون تراهن
تجي مره انتواجهوانتراهن
منو الاكثر يحب ويود اخيه
حبك بالضلــع بسمار منــدك
وحـس كلبي يسولف بيك من دك
كمت اركـــض عالنقالمن دك
لان ادري العزيز اتصل بيه
مره ابتعد عنك مرتاني
مره العسل منه مرتاني
مره بغفل بسته مرتاني
مره منالشفايف مركصته
مره منالشفايف مركصته
مره احجيله كصتي مر كصته
مره اشبع بطوله مركصته
ومرهانطني روحي ومر اخيره
ومرهانطني روحي ومر اخيره
مره بدربي اول مر اخيره
مره نطيته فرصه مرخيره
اذامايعتزل اعشكلي ميه
الحياة اشكال كشفتلي ورتلاي
صار اتوجوجي منها ورتلاي
هذاك الجان يقرالي ورتلاي
اخرست من كام يتامر عليه
ذبلت شجرتي واسقط وركها
بسبب شاخت ضفادعها وركها
الجانت بالطرف تسبح وركها
عذرها اتفوج وسط البحر هيه
دوه صوت الحزن حيهم دواوين
عكبهم ماتونسني دواوين
بوصفتك لاتشربني دواوين
دواي افراح ومحرم عليه
انفطر كلبي بيوم الشفت حيهم
خالي وجنت احسب كبل حيهم
كمت ابغير اواني وصحت حيهم
اشتفيد الدار عكب اهل الحميه
أغله من الذهب عندي بلا شك
وأحبك ما أحب غيرك بلا شك
تعال أدخل بنك كلبي بلا شيك
وأخذ شتريد حتى المو اليه
حزينه الروح بغيابک شعرنا
وقصايد بيک يمدلل شعرنا
الشعر لو شاب ما نصبغ شعرنا
شبابي ايعود من تسئل عليه
ذهب لو در علة طولك شني شصار
او بصرارك علي كلبي شنو شصار
دنت نفسي وجست خدك شنو شصار
قابل كفرت مديت ادية
يل منكع ورد خدك من شفاك
مريض وغير خدينك من شفاك
الميت لو سمع كلمة من شفاك
يكوم من الكبر ياخذ تحية
فارغ شوك كلبي وانتة مالي
وكلبك عاف كلشي وانتما لي
غصبن علة الناس انتة مالي
وهم غصبن عليك وهم علية
يظل گلبي بطريقك ساعي وحده
وكلامك ماتوحد ساعه وحده
صدك لو الزمك ساعه وحده
اذا شفتك تظل اعتب عليه
عرفتك وانخفض عزمي وادائي
دوائي بيك يامعود ودائي
كريمي مالعب مثلك ودائي
من بلادك تصيب اهداف بيه
صليل الشوك يكتل صله بينه
وينك ليش تكطع صله بينه
مدامك احله واحد صلي بينه
جماعه انصلي فرض الحب سويه
عزيز النفس ابداً مالح آني
وسهمك من رميته مالحاني
واغزر بيك اغزر مالح آني
واشور بيك عالسويته بيه
حاير شكتب لحسنك وشملي
ويكلبي روح واسئلي وشملي
دشوفه حافر ابكلبه وشم لي
ويرفرف كلبه لو مر خطر بيه
احبة وما احب واحد بدالة
وكلبي ما بدة لغيرة بدالة
الك منصوبة بكليبي بدالة
وعلة شريان كلبي اتصل بية
المسه كتله صباح الخير وبراك
اتمازح كال لولا اتوخز وبراك
كلت لا والذي صورك وبراك
بجبينك صبح ظنيت المسيه
بره المسكوم من علته وناداي
وحركت اليابس بهجرك وناداي
براس اربع طرق لكعد....وناداي
انه المظلوم وانت بدعت بيه
تظن يبره الجرح عكبك ويلتم
جفيت وبالحشى منـــك ويل تم
الثريا الها شمل سبعه ويلتم
وانه واحد حبيبي وشح عليه
ثدي الحب يبس ما در والك دار
ومحبتك زالت همومي والك دار
الك عرش انتصب يا اسمر والك دار
بكلبي ولا لغيرك سكن هيه
جره دمعي على الوجنات ما دام
على ريم اليدير اقداح ما دام
حرام الزنا بالقران ما دام
من التقبيل لا تبخل عليه
حكم سيفك الغـــــدار حكمه
ابكلبي وما بقت للصبر حكمه
كل اللي توله جار حكمه
انه عاشك وحكمك جار بيه
خالص يا ترف بس الك ودنه
لون تسكن بيابي العين ودنه
لو بات الترف بحشاي ودنه
اكله اكرب يحلو الطول ليه
دليلي ابنار هجرك طاح وهواي
لشك ثوبي وادك واصيح وهواي
اذا تنكر هيامي عليـــــك وهواي
ادموعي اعلى الخدود اشهود هيه
ذلولي عليك ناحل ما بغيره
وسليم الذات اوده ما بغيره
صديـجك لو لكيته ما بغيره
بجف ارماد بيعه لو تهيه
روحي بيش اسليها كتلها
عليك اني ودمع عيني كتلها
شبه العيش بالبيده كتلها
الظمه ودومن اتحمل الماي هيه
زماني ما نطه لروحي نفاها
ظلمهه وعن مواطنهه نفاها
السفاهه اهل المثل كالو نفاها
انا اشما سفهت ناري سريه
سكاره احنه ابهوه شوكه وصحنه
جره دمعي وجرح خدي وصحنه
غركنه من الدمع صاحوا وصحنه
احتركنه وناركم عمت عليه
شنهو السبب يا مدلول مرضيت
وابزعلك اللب احشاي مرضيت
الك عاشك انه وانجان مرضيت
فؤادي اللي غصبته رده ليه
صومي لليكول اهواك شفته
صبحت وارشفت من الترف شفته
يكلي افطرت كتله البدر شفته
بجبينك حرم كل صومي عليه
ضكت حلوك حبيبي وضكت ما راك
وانه بغي التجافي الحيــــــل ما راك
يضيج الصدر يوم البيـــــــه ما راك
وينطيني عذولي الحك بديه
طريدك لا تطن ياوي جنه
انذهل وانياب هجرانك لجنه
شمس شبهك انصفها لجنه
الك ما انصفك بين البريه
ظجر كلبياو دمع العين هماي
وراهم يا اجدامي ابشوك هماي
حجب عن عيني طيب النوم هماي
اشلون اصفي لزماني الخان بيه
عند البد وفه الانصاب كله
علن حربه وعلي ثار كله
حاجه اتصير عند الجلب كله
يحجي جليب دير النظر ليه
غيرك لا تظن بالعين حالي
اوريجي عليك مر ما يوم حالي
بغرامي يالتسل عن شرح حالي
اعله كل حال الهوه جتال اليه
فكدت اضعونهم واصفج بياداي
حلت وين ما ادري بياداي
الكلب هيهات يســــــلاهم بياداي
ولا عيني تلذ بالنوم هيه
قيد الاسر بالرجلين صكه
عدونه والهنا بالكاس صكه
انهضوا للعلا واكتبوا صكه
اوقع بيه تراني اعله المنبه
كثروني وزاد الكلب لو بات
ومدري انكطع حبل الوصل لو بات
الكمر ولفي وعندي اليوم لو بات
مجنت ارعه الكمر لو زاد ضيه
لااسمع لا ارى لحجي ولاشام
ابشوك الما حوى نجد ولا شام
اله سوره ابصحن خده ولا شام
سوده وبالسويد اثر سجيه
مصابح ناس عادتني اولمسها
واوعيني عن مودتها او لمسها
الافاعي بالمس لين لمسها
لجن من تجلب ابسما المنيه
نهاني الينم عنك وابد منهه
وودك مثل روحي وابد منهه
السمه كابلت وجهك وابد منهه
البدر من ضي سناك انعكس ضيه
هله بالي بوداده انكشف ستراي
وحوبه الجان الي وياك ستراي
اجانه بالظلام ايريد ستراي
انفضحنه ابنور خده اليشع ضيه
ولك شوك الدليلي وانت شاكي
الذنب منك عليـــه وانت شاكي
بليه اسلاح اشوفك وانت شاكي
لجن بعيونك سلاح المنيه
يحادي الظعن بالله عليك اني
لما يسمع شريج الروح اني
لريد اصبر واعلم الصبر اني
امر من الصبر فركاك اليه
الدهر حد بيعه اهدومي وصل باي
وراسي امن الصخر امضى وصلباي
اوفق لو يتم موتي وصلبـــــــــــــــــاي
ولا راس اطخه اعله المنيـــــــــــــــه
عجز عن شيل هدمــــــــــي مال متني
وعلي ظاقت الوسعه ما لمتني
العالم لو درت علتي ما لمتني
لها الظاهر وانا العله خفيه
ابي افركجن لما ادميجن ياراحاي
بسبب كل حين تنلجمن ياراحاي
انا كلمن نظر شخصي يرى حاي
وانا ميت بسبب فركاك اليه
احبك واعتني لاهلك ورد حي
وعاجبني على اخدودك ورد حي
سبع موتات اكوتلك ورد حي
وشوفك يا ترف تحزن عليه
الدهر ما يوم فرحنا وســـــــــــرنه
عفنا اديارنا وللـــــــــــــغرب سرنه
وحقك ماظهر للناس ســــــــــرنه
لجن دمعي فضحنا وعـــــــــــم عليه
تحياتي
ابوسيف العويسي
