خايف من اوصفك تشتهيك الناس
وخايف من ارسمك عالورق مكدر
اذا منكر صفاتك ربك مسويك
موذنبي من اوصفك وأرتكب منكر
اسمر ماتصير.. اتحده شمس الصيف
من وجهك اخاف اعلة الشمس تسمر
وعلى المرمر انصحك لا تحط رجليك
تزلك يازبد ويوصخك المرمر
مطعون بنظرتك كلبي شابع موت
كاغد كلبي صار وحاجبك خنجر
اهرامات اعلة صدرك يلشفاهك نيل
زهك فرعون صبري وخاف يحدث شر
يلمسودن حسن ربك تعب وياك
من خلص رئاك وكال رب استر
الحكن تينات صدرك يل وجنتك خوخ
شيلمك بعد ينرادلك مصطر
طفل ثملان خصرك والعجيبه البيه
ما ميز ركبتك لوهي منة اصغر
شامات الخلك لازم يصيرن سود
بس مثلك جذب ماشفنه شام اشكر
يا فورة حسن يلي بجبينك نار
ويا حرب الترافه البيهه موت احمر
بنهر جاسم اجذبك ما يموت الجيش
نهر صدرك يغاتي ايمووت العسكر
[ندعوك للتسجيل في المنتدى أو التعريف بنفسك لمعاينة هذه الصورة]