مرحبا شباب
اليوم عندي قصة شعرية عن واحد دائما يتجنب حب الطالبات
ويخاف لايوكع بالحب بس اول وتالي لازم الحب يمر في قلبه
واتمنة تعجبكم القصيدة
,
,
,
اكبلن جنهن نجوم وسارحات بهوة الغبشة
والعيون امكحلات والجفن سياب رمشة
مشن نجمات الثريا وعونة الوياهن تمشة
حجن وشمحلا السوالف ايونسن الخنكته الوحشة
اعلى الصدر خلن كتبهن موش لله هاي حرشة
ولن دليلي صاير ابنص الدفاتر وكلي هاي شلون بلشة
ضل يحوم اعلى الصدر تكول طير وضاع عشة
هنة طبن للصفوف واني ودي الحايط المبني افلشة
هن ماجنهن يدرسن امحمرات امكحلات تكول وحدتهن عروس
من تجي الفرصة ويطلعن ياحرير الشعر عدهن موش روس
عمبر امصفي علة حالة ونازعة ثياب السبوس
وهذا اول درس مر واني بالرحلة امحبوس
وخلص باكيت الجكاير وشربت روحي جكارة وما خلص وكت الدروس
وهذا حارس مدرستهن جلد وكليبة اشجواتة
يمة نجمات الثريا دوم معضل دايراته
لاسهر ليلة...ولايرجف دليلة...وليلة مثل الخلك باته
ولاعشك وحدة..ولارفت جلوتة..اتكول حاسبهن بناته
واني متاكد اذا مرن عليه وهو يصلي وبالدين كاضي حياته
وحدةمنهن من تجيه يتيه السبحة ويشك حتة بصلاته
بس ولك بطل ياكلبي والهموم البيك كافي اني موكتلك ياكلبي
عوف درب الطالبات درب تيزاب اشيطرة الجدم حافي
اني موكتلك ذني سحارات مكارات ولاكلب عدهن يوافي
وتالي ورطنك وي عشك وحدة زغيرة بيها جمر الشوك طافي
خابرتها وكلت بلكي العصر اني اكدر اشوفك ونوضع الحد للتجافي
جاوبتني بكلب ابرد من شهر كانون:-
((ما اكدر اشوفك العصر عندي درس اضافي))!!!
وتبسمرت والله ابمكاني واصفنت صفنة طويلة مثل صفنة نصب تمثال الرصافي
وفززت كلبي باصبعي وكتله هاي اللي ردتها دجرع الحنظل عوافي
هاي اللي ردتها دجرع الحنظل عوافي