قصيده ادم للشاعر المرحوم عبدالحسين الحلفي اتمووووت وربي

يعجبني الجرح لو لاكه شمات
يضم روحه بحيث ايبين التم
وتعجبني السيوف بجف الاسباع
يحمرهه الخجل لو ما لكت دم
اذا انته ما شفت لا اتكول ما اشوف
تحجي العين اذا لسانك تلعثم
شوف الفلح من تموت الورود
بغير ورودهي تروح تشتم
بس شوف الورد لو مات فلاح
من تشمه تلكه بعطر مأتم
شوف اصعب وجه تقراه العيون
لكن بالكلب الله اعلم
كلبي اكزاز بس تسحكه خسران
اذا هو انكسر انته التصب دم
الحسب عقله يحب صدكني يرتاح
الحسب كلبه يحب صدكني يندم
كتلك انا احب ادم ابو الكل
بس ما احب ابو التفاحه ادم
حسب عقلك يصاحب شوف كلشي
واضربلك مثل عن كلشي واشلون
اكو يحجون من الصبح لليل
وحرام انجان تفهم شنهي يحجون
اكو ساكت وحلكه مخيط اخياط
وحجيه اشكد حلو بنضرات العيون
من ابزك بالحجي لا تزعل ارجوك
اسمعني وكول شكرا
الابرة من تبز الثوب يا صاح
قصدها تخيط ابشك اليشكون
وداع الي تكرهه يريح البال
اوداع الي تحبهم يعمي العيون
الماي اشكد حلو بحلك العطاشه
بس شلون نقمه اعله اليغركون
تطلع الروح اكو شغلات مرات
بس مرات هي التردلك الروح
اذيه الباب من ينفتح للريح
بس اشلون لو بالسجن مفتوح
ابنادم يضرب اللوح ابسامير
لكن من يموت اشابكه اللوح
اكو من الفرح يبجي حيل مرتاح
واكو شابع ضحك بس هو مذبوح
اكو ايده طويله كلشي ما لاح
وابو الفضل بلا جف وكلشي ايلوح
اكوكلشي ما يملك عاش مرتاح
واكو يملك الدنيا وعاش مسكين
اكو يعوفك اسنين وجنها ساعات
واكو يعوفك دقايق جنها اسنين
واكوما يباوسونك بس يحبوك
واكو رب المباوس بس شياطين
اكو بالكبر بس مو موته عاشو
واكو مو بالكبر بس همه ميتين
اكو جفه انكطع بس موش عباس
واكو يذبحه الشمر بس موش الحسين

يارب تعجبكم لان صدك خراااافيه هع
تحياتي فوفو [ندعوك للتسجيل في المنتدى أو التعريف بنفسك لمعاينة هذه الصورة]

تحيااااااااااااااااااااتي يا فوفو مبدعه

روعةةةةةةةةةة عاشت الايادي

ودي لكي ياغاليةةةةةةةةةةة

تدللوووون عيوني انتو هذا من ذوقكم
منووووريني وربي

» قصيده الى المرحوم عبد الحسين الحلفي
» اذا احجي ويا غيرك للشاعر المرحوم عبد الحسين الحلفي اتخبووووووووش
» مجموعه دارميات اخرى للشاعر عبد الحسين الحلفي
» قصيده حزينه للمرحوم عبد الحسين الحلفي الله يرحمه والله بطل مو شاعر
» قصيدة للشاعر (عدنان جواد) تحياتي