خلي اشوفك
خلي اشمك ......
دني مني خل اشتم هواك
يلي حبك هو اصل عنواني
جم حلو بيوسف حبيبي شبهوه
ياهو اليكدر بيك يشبه بثاني
احنه من نتواعد الغي الانتظار
واني اجيلك مااكلك تاني
تذكر انت كليبي من سلم عليك
يوم بات لسانك على لساني
يلي شعرك ليل كل مااحضنك
انه يغفى الليل احس باحضاني
يلي رمشك سيف بس تنظر علي
صدك اتكطع وصل تلكاني الحمار بوجنتك كلش عجيب
من ابوسك جن ورد شماني
انت بيدي من تجر ارداني اطيح
لن احس روحي تجر برداني
انت يغفى الليل بعيونك كحل
كبالي ناداك الورد سنداني
والله من تنام اكره حياتي
اخاف بنومتك تنساني
ابقى صاحي وياي من اتعب واطيح
وكون حظنك هو يتلكاني
دني مني شويه خل اشتم هواك
يلي حبك هو اصل عنواني
