السلام عليكم
شلونكم شلع
اليوم حبيت اكتب عن موضوع يصير بكل انسان
وهوة من تحط راسك على المخدة بيش تفكر
فــ سويت جولة واخذت اراء واليكم النتيجة
نبدي طفل عمرة 5 سنوات
والله عمو اني دا افكر باجر اتوسل بابوية الصبح بلكي ينطيني 250 دينار اشتري بيه صجم للمسدس (جهال 2010 هذوله)
وعند سؤال الطفل شمعنة صجم ياوليدي اشتري غير شئ على ايامنة جانت دعابل للولد وتوكي للبنات هع
اجاب الطفل قائلا
هيه اللعبة الي دارجة بالسوك مسدسات وكتل وهل سوالف (الله يخلي الريس)
طفل عمرة 6
والله يا عمو اني دا افكر باجر اول يوم بالمدرسة وتعال هسة يطلعلك واحد راسب من العام بالاول ابتدائي ويشبعني كتل .....!
طفل دا يسوي نفسة شاب 14 سنة
والله يا حبيبي الغالي (على اساس هوة جبير )اني دا افكر باجر الحك على الحلة مال مدرسة البنات لو لا وبعدين لان دوامنة دا يطول بالمدرسة ومدا اكدر اعبر من فوك الباب لان كهربهة المدير (والله زين وين صايرة هاي الباب العفو المدرسة دا اسحب منهة خط)
شاب 18 سنة
والله اني دا افكر بطريقة اكدر اصادق بيه لان تعبت وماكو فايدة فــــ باجر بلكي اروح اشتري معطر نيفيا بــ 3500 واحط جل ماكس ابو ال1000 بشعري واروح اضرب ركن عسى ولعل نكبل لان كلما اضرب ركن اصادق ولد ما اصادق بنية صار عندي 1002 صديق
شاب 20 وداخل على 21
والله يا صديقي دا افكر باجر شلبس لان تدري لازم يومية واحد يلبس شكل بالكليه هع انيق (تبا للزي الموحد !)
رجال 30 سنة
اسسسسسكت يمعود تورطت مرة وجهاللل وزواج وجيب الحفاظات وودي الحفاظات ودينة وطلعنة اروح انتحر واخلص باجر
رجال 40 سنة
طكت عليه عبوة ومات هذا قبل لا نسئلة الله يرحمة
حجي 50 سنة
والله يا ابني رح يطلعوني تقاعد وحرمات اني اريد بعد يزيد راتبي وميصير يستغنون عنه (طبعا الحجي راتبة 5 ملايين)
- سئلنا حجي مو اذا ما طلعوكم الشباب تبقى ومتتعين
- اجاب الحجي قائلا اي وليدي خلي الشباب يروح يحمل بالشورجة لو يبيع لبلبي براس الشارع احسن ميكطع رزقي ورزق غيري يعني تقبلهة اني هسة اخذ بس 5 ملايين واذا طلعت تقاعد اخذ 4 ملايين وتسعمية تقبله انت
-لا صدك حقك ياحجينة الورد
حجي 68 سنة
سئلنا حجي شفكرت البارحة باليل من حطيت راسك على المخدة
قال الحجي بصوت مرتفعا (عبالك موبايل صيني) هاااااااااااا
حجي المخدة المخدة شفكرت من حطيت راسك عليه
يادوشك وليدي!
واخواني الكرام الحجي مبين عليه فاصل شحن فــ احنة وية ثالث سؤال الحجي انطاكم عمرة وان لله وانا اليه راجعون بـــس الحجي لو ميت بنفجار مو احسن ؟؟؟ هم صدك
