جماعة عايشين بقرية... الثور مالهم عصه راسه بالحِب مال المي
احتاروا شيسوون!!... سمعوا أكو واحد يفتهم بالقرية فراحوله وكلوله:
" هيجي السالفة واحنا منريد نخسر لا الثور ولا الحِب "
كللهم: " بسيطة كصوا راس الثور "
كلوله: "لا يمعود !!!"
كللهم: " انتوا معليكم بس سمعوا كلامي "
كلوله: " ميخالف "... وكصوا راس الثور... بس هم بقه راس الثور بالحِب
كللهم: " كسورا الحِبْ "
كلوله: " صدك!!.. جِذب!!.. يمعود "
كللهم: " بس سمعوا كلامي ومعليكم "...وهم كسرو الحِبْ
فكام يبجي هذا الرجال اليفتهم
كلوله: " لا تبجي يمعود فدوة الك ثنينهن "
كللهم: " اني مدا ابجي علثور لو على الحِبْ "
كلوله: " لعد ليش تبجي !!؟؟ "
كللهم:
" باجر.. عكبه... إذا مِتتْ، منو يحللكم مشاكلكم"
