ماشوفك تحبني وجنك انت بعيد
شمااقرب عليك اتزيد حسراتك
اذا خايف احرجك كلي ليش اتخاف
ماريد انه اصبح سبب ماساتك
احسب للطريق وشوف دربك زين
بس انه اعتقد حاسب حساباتك
مرات انه اشوفك قمة بالاشواق
ومرات احس كلبك عكس نظراتك
اشوفك ترف واطمع بالترافة البيك
اجيك وتنكلب قاسي بعلاقاتك
ياحاتم بالكرم واكثر بعد للناس
بس وياي تبخل ليش ساعاتك
تلعب على جروحي وتظحك ومرتاح
وانه بطيبت كلب احمل جراحاتك
واضح وية غيري وغامض انته وياي
اتمنى انه غيري واحوي ظحكاتك
بس راح انه اعوفك وانشغل بالروح
وماتلكي من يمسح غيري دمعاتك..
دلو الوكيحه
