هع هذا موقف صار بية

كلكم إتعرفون الحرب العالميه الثانيه تقريبا عام (1935).. آني چان بوكتها عمري
15سنه... المهم گاعدة بالبيت دا العب بلي ستيشن 2.. دگ الموبايل مالتي (اي لا
تتعجبون.. اني من ذاك الوكت عندي موبايل)


اي اكمللكم.. دگ الموبايل..
جنت حاطة نغمة مال هيفا (بوس الواوا).. شلته.. طلع (رئيس الجمهوريه مال روسيا)..
گلي: تينا.. آسفين على الازعاج بس الوضعيه حيل عاوية.. والجيش نصه راح بالزلك..
محتاجيج حيل.





آني صفنت.. إتذكرت أيام الطفوله.. مِن چنت
ألعب بيت ابو بيوت بروسيا ويه بنت الوزير.





گتله والله
عمو... إبطن عيني.. هسه بس أفوّل المولده التايگر للبيت.. وأجيكم
تعرفون كلهم
بالبيت معتمدين عليه ميكدرون بدوني هع





والله ترست المولدة..
وچيـّـكت الدهن.. ورحت دا ألبس هدومي العسكرية تعرفون ميصير اروح هيج لبست تنورتي
الوردية والبدي السمائي الي بي ارنب وردي مسوي ستوتات واخذت قمصلتي الخضرة الفسفوي
والبوت الازرك هع وأخذت البايسكل مالتي.. ذبيته ع
(d).. وقبـّـطت سكليتر..
وين؟؟.. على الخط السريع مال (كركوك- موصل).. ومناك گلت آخذ يمنه على روسيا...
والله نص ساعه اني بنص موسكو.. بس شحچيلكم!!.. بااااردة
ثلج.





شغلت التدفئة مال البايسكل و صعّدت الجامات... والله
گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي
جرثومه)




وصلت.. دگيت الباب.. طلع أبو منذر (إبن الرئيس الروسي
إسمه علي حميد لأن مرته من الديوانيه).. خطيه الرجال حالته جانت زفت.. حضنـّي..
وگلي الله جابج.. گتله خير عمو؟؟.. گال هيچ وهيچ السالفه.. والالمان طبوا بينه
گول.. گتله عمو.. صدگ چذب.. اني موجودة وهيچ يصير!!!




اني
رايحة.. منا ليومين ان شاء الله تسمع خير




طلعت رحت على ولد
أعرفه بروسيا اسمه (كاظم نص) هذا شقاوه مال بغداد چان اخو صديقتي الروح بالروح..
گتله كظومي هيچ وهيچ الفلم أريد أسلحه.. گلي تدللين شتريدين؟؟.. گتله اريد 65 صاروخ
(أرض- أرض)..... و34 صاروخ (أرض- مي) اقصد (ارض- جو)..... و 89بي كي سي..... و فد
6784 رمانه يدويه...... و54564 لغم منوع بين مضاد للبشر ومضاد
للدبابات




والله حطلياهن بعلاگه.. اخذتهن وعدل وگٍبل للجبهه..
وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني
تعبانه).. بس اني اختكم خوما اخاف!!.. لا يابه لا... گلتلهم للجنود انتوا لمـّوا
چوالاتكم ورجعوا لبيوتكم.. مالكم علاقه.. السالفه يمي
صارت




باوعت يمنه.. يسره.. شحچيلكم بلـ (564674534 جندي
ألماني).. وكل واحد راكب دبابة منفيست حديث.. بس اني تعرفوني
بطلة.




نصبّت الصواريخ على چتفي وصيـّحت... اني إلكم.. طبا طبا..
طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه
تصويريه).




والله صفيتهم بقوا بس 7 جنود ودبابتين واني باقيلي
رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على
الدبابة.. لزگت بيها.. وچان تنفجر.




بقت دبابة وحدة.. ركضت عليها
وبيدي قلم أبو النبالات (لحد يگولي منين جبتي.. هوه إجه)... والله وبالقلم گطعت
السرفه (التايرات مال الدبابه يعني).. وگفت... گـُمزت عالقمارة.. فتحت الباب..
نزّلتهم بيدي.. واخذتهم أسرى.




طبعا وره ما هيچ سويت.. إجه
الرئيس الروسي وباسني من راسي وگلي:.. ريمه انتي اقوه من گرندايزر
والله..




گتله:.. لا عمو ما سويت شي آني.. عادي.. وانطاني هديه
سيارة لادا بعدها ما ماشيه بالچيس.. واشترولي تنورة كتان أصلي من الصين درجة أولى..
وبوت أديداس أبو العلامة.




رجعت للبيت.. وشغلت المولدة.. وگعدت
اتفرج (تيمون و بومبا)
هههههههههههههههههه


ملاحظة:القصة مقتبسة من
حياتي الحقيقية
مو تكولون تجذب تره اني ما اجذب
اخاف الله يذبني
بالنار


عود ردو زييييييين

يلله بااااااي

مشكور

هههههههههه
منوررر

يسلموووو ومقريته طويل هاهاهاي

لاهسه قريته ماشاللع شنو هل قصه المؤثره

هههههههههههههههههههه والله حلوه
يسلمووا

هههههههههههههههههه
يسلمو

هههههههههههههههههه
منورين

ههههههههههههههه حلوة بس دا تحجيها بصفة بنية ليش ؟؟؟؟

هههههههههههه اي صح يله غلس محد منتبه

هههههههههههههه لعد خل انغلس هههه

عمي ولله انتي بطلة اني بس مال المولدة التايكر مصدكتهة

طبعن اليغلس يحصل هدايه هوايه

هههههههههههه

ابو الليل هوه انت صدكت كل الحجي بقت علمولده

غلس [ندعوك للتسجيل في المنتدى أو التعريف بنفسك لمعاينة هذه الصورة]

ههههههههه اني مغلسه

انتظري دلو
بعد
كم يوم
وتوصلج
الثلاجه

ههههههههههههه

هههههههههههههه والله حلوه

اكو فد واحد جذاب يكول اكو قادفه تضرب صلي انتو شكلون صدك لو جذب

ههههههههههههههههههههه
منورررين

كناري شنو قصدك

شنو هذا بسمار
لاخويه

براق

هههههههههههه

هههههههههههههههههه
غلس

غلس تنتعش

هههههههههههه
صح

براق ابد متعرف تجذب خوب انته فقير كلش بس اني راح انطيك علج ابو السهم هديه لفدائك هع هع هع

انريد فد شي مرهم
هههههههه