شفت مــن العيون اشكال والوان
وشفت من الحسن سيف ابيمينك
لچن حسنك چذب شافنه العيون
ولا عين الشفت تشبـه العينك
من اوزن جمالك ويـه هالناس
فرق بين البشر واضح وبينك
لأن ربنه خلق هناس من طين
بس فـرق الورد مخبوط طينك
الحسن مو بل معاني العند الأنسان
الحسن ملح وترافه وذني ادينك
الوادم ترش الملح عالزاد
وانته اچفوفك اتملح عجينك
ما چذب وگلك واقع الحال
من جـدمك ملح حد الجبينك
احلفك بل مسيح المات مصلوب
اذا نصاراني كلبي يريد زينك
واذا مسلم احلفك أني بالله
علي تسأل يغالي اتكول وينك
واذا باقي الطوائف تعرف الله
احلفك بل ألاه الخلـق دينــك
تحن انته علي يا بعد العيون
ويضل حبي حبيبي ابشراينك
