عاتبني تعال بيوم
اذا احد حبك مثل حبي
عاتبني
ادعيلك كل صبح
ترتاح وتعيشها ايامك
ومتهني
كلبي بيدك عاين هالجروح
ومحد ماكدر يمحيهن حبك
الطيبني
حسبالي الكلب باقي اعلى الوعد
ماناسيه من شافك اشو حّبك طلع
خادعني
واعّدني بوعد كال توبت آنه الحب
ليش وصادفك خالف هالوعد,,كالي
اعذرني
صح اليحب ماعنده وكت محدود
بس ممكن يكلك فدوة شويه
ارخصني
جنني العشك وياك مامحجوز
ابعيده الحواجز وياك وابد
متكظني
شني السويته ليه واتعلقت بيك
ليش انتة موغيرك جاوبني.
فهمني
عشكتك عشك اتحداك اذا موجود
مو انته التكلي وربك اعرفك من امي اكثر
تحبني
هاذ انته الحجيته مو هاذ حجيي اوياك
شهدتك غصب عالصار مو انته
التشهدني
حبيتك صدك وك معقوله ماحسيت
ولكيتك وطن لاحزاني
وتلمني
لفلفني باحضانك غطيني بغطاك
وبشفاك اذا كتلك فدوة
طشرني
عسل موجود عالطارف ولك هاذ
اموتن لو رشفه منه انته
التظوكني
