أعذار الحبيب
بعد لا تمر بيه وتعتذر مشتاكَ
بطلهن ولك مو ذني مالاتي
تكَلي اهواك جداً بل اموت عليك
...أصدكَ بيك يعترضن جراحاتي
تكَلي الروح حنت والكَلب بي نار
طفيهه بدمعتك بدل دمعاتي
انه الحباك كَلبي ومرمريته سنين
أطحن بالضلوع وأخفي آهاتي
وأمد جف المذله وأطلب ظنون
وانته بجف حنانك قطف زهراتي
يمن عذبني حبك فتت الروح
أشو وياك ضاع حساب ساعاتي
وانه الماقصرت وبساعة العوز
ذبحت احلام عمري وكل حماماتي
شجن روحي غريبه وياك يفلان
تعاملهه وترد تنهي بداياتي
وانه العاشك حلم مافرطت بيك
وانته الفرطت حتى بمعاناتي
يمن وياك كَلبي انطاك تصريح
زيد بحسرتي وحطم مسلاتي
دمد جفك حرام تذوب الروح
حتى التم واكَول اسباب شوغاتي
عله حبك اعترف حطمت القيود
زنزانة غرامك عشق نظراتي
وافرح سلمتلك حبل الافكار
علكيفك من يهزك شوق كلماتي
اجيلك واعت*** وزحف اكَرب ليك
خلصهن عليه سنين ضحكاتي
اموتن من اموتن عود اترجاك
جفني برمشك واترك الآتي
من اتعذب بحبك واشوف النار
اسكر من دموعك خمر كاساتي
