حبيبي اتنطّرك واحسبلك ايام
يوم يجرله يوم ويكضي الاسبوع
واطشهن واهلية بأحلى دمعات
وارسملك صورهن وي الدموع
يم طيوف شخصك تغمض العين
واشوفك حلم بعيوني مطبوع
واشبكَ على احضانك واغفة وارتاح
واضم راسي على صدرك بين الظلوع
صواني العيد حبك والفرح ياس
واحلامي ابمحبتك تشعل شموع
اشم عطرك حبيبي وتشهك الروح
وأحسـك جذر بكليبي مزروع
ياموضوع احبك واشتهي الكاك
شكثر شايل حنان وصرت موضوع
انه كلبي طفل مايعرف فراك
فـزّ وما لكـــَاك وصـاح مفـزوع
صدكَ ترجع حبيبي ويفرح البيت
واطش جكليت حبك بين الفروع
متى ترد تعـــال وبســـّك غيــاب
حبيبي بغيبتك جن كلبي مصدوع
شمعاتك تتاني وبلكن اتعود
افترسهن ليل هجرك خلصن موع
بجن روحي ومهجتي وشمعك وياي
مثل بجيي اليتيم وكاتله الجوع
يابخت الينام وكلبه مرتاح
عمر خلصته انام ابكلب موجوع
لاتسألني يومك يخلص شلون؟
هيج يخلصن ايام الاسبوع
