اخاف شكثر من اعيونك الحـلوات
من تكبل علية يموتن عيـــونـــي
اذا كلك خضر صدكنى اقصر حيل
ولو كلك صفر صدك يلومـــونـــي
ياجرة كحل فوك الجفون تبــــات
وبجفن عينك المرود كال كحلوني
الحياة غلطة وتجارب ولدروب طوال
وبيكاسو حسافة الخيب اضنونـــي
غلط مرة ورسم عينك علة اللوحــات
تاة بلون عينـــــــك كال دلونــــي
ورسم بس مارسم لوحاتة خجلانــات
وحدة كبال وحدة تصيح نزلونـــي
يا جرة كحل بيد العروس تبـــــتات
وكبل جية الزفة تصيح زفونــــني
ولو صبحت بعيونك بعد ماخـــــاف
وموت الموت بيدى لو يشجعونــي
ولو تقبل اسوى عيونك المحـــراب
وكل ما ضعت بالمحراب تلكــــوني
رموشك ياحبيبى اعتقد بيهن سيف
لمستك ولرموش بغيض جرحونـــــي
حور العين اجن يتمايلن عــــل روج
رادن لحضة عن عينك ينــــسونـــى
حسبت الحور عينك ولعيون العـــين
وعمية بغير عينك صدك عـــيونـــي
