شعر هدية الى العراق الجريح

يا عراق
يل حضنك دفوا لو مرني برد اشتاي
يل وجهك شمس لو غابت أنواري
عذبني بجمالك وأحرك الدلال
أحس نارك ثلج وأخمد بناري
ساعة ثلج ساعة تشب نيران
ضحية شوكك وأنه و أنته فياري
يل وجهك يشع لو غابت ألأنوار
تنزاح أمن أشوفه همومي وأكداري
ويل عيونك(ع) سحر وبنظراتك جتال
راويتني نجوم الظهر بنهاري
ويل رائك(ر) رمش فوكة الحواجب قوس
صوبني أبدليلي أوما جبت طاري
وألفك (ا) يا ألف عمي أنته ألف مليون
من تجبل عليه تشتت أفكاري
ويل قافك (ق) قوافي أنتظم ألأشعار
وأسمك لو أوصفة أتخلص أشعاري
يل أسمك عراق أنحفر بالدلال
ما بعتك حبيبي وعمري إلك شاري
من شفتك طحت ما صدكت فد نوب
يل عمرك زهور أوبالصبة سنك
ما صدكت ألأول كلت هاي أوهام
ما حسب تطيح وشو صدك لنك
لن شفتك طريح بوكت هدوة ليل
وكضيتك بديه وكمت أكلبنك
وردت أنه أبوسك لكن أحتاريت
أذا مذبح راسك وين أبوسك