بس ارد اسالك يلعشت بالنفس
ما اعرف اضحك..مدري بيه شحصل؟
يمكن خذت واهس ضحكتي ورحت...
متغيره اطباعي بغيابك صدك
حته اعله صوت الــمايمرني التفت...
واشتاك الك كلما اغمض الجفن
واتذكرك كلما بعيني ارمشت...
بكل نفس يطلع صورتك تنرسم
وكل لحظه اشوفك حته لوغمضت...
يـــلبيه عايش واني لجلك عشت
بس من رحت عني ياعمري متت..
يااا نفس جرحي ويادمع ضحكتي
اني اعله شوف عيونك اتعودت...
بس ارد اسالك يـــلعشت بالنفس
يـــلبس هواك بدنيتي تنفست..
من رحت وي غيري ردت ذلتي؟؟
لو ينتهي البينك وبيني ردت؟؟
عايش جذب من يوم عني رحت
ميــــت صرت ....بس ماكلتلك متت..
هذا اني حالي وياك ماقصرت
ماعفتك وانت برضاتك عفت..
كل جرح منك جان ينزف ضوه
بس هسه ظلمه اجروحي لمن غبت...
