من اول حرف خطته اشفاف الاه
الحد اخر حجاية الحزن كايلها
ضميت الحجايه بكلبي صار سنين
عفه كلبي الحجايه شلون شايلها
كتلك والسوالف فاض بيها الغيض
جروحي اوساع غيرك محد يشلها
كتلك روحي طفله او واهسك كاروك
وبغيرك تضيع وكلشي ما الها
انه موجة حزن ضافر شعرها الويل
وتتطشر فرح لو صرت ساحلها
انه شجرة صبر نبتت بكاع الشوك
وعله حايط خيالك منرسم ظلها
كتلك روحي بعدك شيبتها الأه
وكصيبتها الحزن بجفاك ناسلها
تعال الروح بعدك فالها الوهواس
وبحبال الهضيمه الدمع ساحلها
تعال الدنيه عكبك هاك لاهناك
وحابلها انخبط بذيال نابلها
تعال المهجه صحره وشوفتك حالوب
لأن بركان هجرك حيل شاعلها
خايف ماتجيني وانتهي بلياك
تره عيني الوسن بجفاك زاعلها
تعال وشوف شفرش من تجي اعله الكاع
اذا موجفن عيني الجيه بدلها
انه (الهاشم فليح )عني كايل بيت
بيه الروح بسمك ياترف ولهه
اطالع غير درسك تضن ولهه
وروحي من يهل بهواك ولهه
اهي بالغرغره وترجاك ولهه
امل وتكول هسه ايعود اليه
تحيااااتي