كابلت النهر يخبل تعالوو يعجبكم

كابلت النهر بلكت عليه اتعود
خطف لوني بصفنته وماخطف ظلك
وينك..ماتمر..مو عرك وجه الماي
من كد ما اجيبن شمع واشعلك
حبيتك كبل من شحو الحبوك
... ... ... ومن كثرت احبابك نستك خلك
تصعد للنجم..مو بس ردتلك هاي
ردت اني النجم للكاع ينزلك
كل ماتستلم حصة منام العين
حصه امن السهر لليل تعزلك
شح مايك علي وانته اتعرفني شلون
لوموتن عطش عطشان ماكلك
يالما ميزت بين الورد والشوك
ما مجبور اجيبن ورد واشتلك
جفوف اللزمتك لازم تحلك يوم
وهم ترجع ولزمك وابد ماحلك
شديتك نذر خيط بضريح ايمام
ماعندي بخت يرجعلك ايفلك...........

[ندعوك للتسجيل في المنتدى أو التعريف بنفسك لمعاينة هذه الصورة]